بعد عتابه لأبطال مسلسل عمر أفندي.. علي الطيب يوضح: الهزار هيقلب جد

حذف الفنان علي الطيب منشور عتابه لأبطال مسلسل عمر أفندي بسبب استخدامهم لجملته الشهيرة في مسلسل أهو دا اللي صار "دي حاجة 13 خالص" دون ذكر اسمه، وذلك من خلال منشور عبر حسابه الشخصي على موقع التواصل الاجتماعي فيسبوك.

علي الطيب يحذف بوست عتابه لأبطال مسلسل عمر أفندي

وكتب علي الطيب في منشوره الذي يرصده موقع تحيا مصر: تم حذف البوست والأسباب هي أنا ممكن أكون عبرت بشكل يزعل زمايلي من اللي اتكتب بس هما زعلوني بأنهم مذكروش في أي برنامج او اي لقاء 
أنهم اقتبسوها من وديع البساطي في مسلسل أهو ده اللي صار مصطلح موجود في مصر زمان فعلا مش أنا اللي اخترعتها بس بيبقى كل ممثل بيبذل مجهود من أجل الشخصية تبقى لحم ودم مش كلام على ورق فقط وبيقول كلامه وخلاص.

وتابع علي الطيب: وده كان جزء من مجهودي اللي تم أثناء تحضير الشخصية في المسلسل وبعد ما عرضت بعض المصطلحات على الأستاذ السيناريست عبد الرحيم كمال والأستاذ حاتم علي عليه رحمة الله اختارنا اللي يتناسب مع الشخصية التي تعبر عن شخصيته واتوظف في الحوار بشكل مناسب ومنطقي للمشاهد من الأستاذ عبد الرحيم واتعرض المسلسل وربنا كتب لنا القبول في قلوبكم ونجح المسلسل واتشهرت شخصية وديع البساطي بمصطلحاتها اللي تعتبر كانت جديدة على الجمهور رغم أن الجملة ليها أصل ومعنى ووضحناه في المسلسل.

علي الطيب: من حق كل فنان يغير

واضاف علي الطيب: وأظن احنا في مهنة واحده يعني عارفين شغل  بعض و نعرف بعض كويس و بينا كل خير لا يمكن يجيلي عمل فني او اسكريبت واكتشف أن في جملة أو مصطلح مشهور لزميل ليه ونجح بيه واكرره أو اتجاهل مجهوده هو وصناع العمل و احترم نجاحه و حق كل فنان يغير و يبقى نفسه يعمل شخصية حلوة و يستمتع بأدائها المشاهد و ده حق شرعي بس أظن ان التميز هنا هيكون في الاختلاف و الاجتهاد المطلوب منك و ليس الاستسهال ولنفرض حصل و قولت مصطلح يخص شخصية فنيه لعبها زميل و متفرجتش عليه أو مافيش حد نبهني.. يبقى أقل واجب بعد عرض المسلسل و عرفت المعلومة يبقى أقل حق سواء كتاب العمل أو أنا كفنان أوضح في أي لقاء 
في اي برنامج أنه تم الاقتباس من العمل الفني اللي قبلنا ووقتها مش هيكون ليه حق ازعل و أفهمها تجاهل من زمايلي لأني غصب عني مفهمتهاش غير كده.

واستكمل: واللي يعرفني كويس عارف إني دايما مبتأخرش عن زمايلي وبفرح لنجاحهم من قلبي ولا عمري نفسنت ولا اتكلمت في تفاصيل شبه دي بس الموضوع لو مكنش يخصني كنت هقول كلمة حق في حق الزميل اللي سبق و نجح بشخصية و بمصطلحاتها اللي علمت مع الجمهور بفضل ربنا.

بسبب جملة دي حاجة 13 خالص.. علي الطيب يعاتب صناع عمر أفندي: نجحتوا بمصطلحاتي

ذكرى وفاة عاطف الطيب.. رفض العلاج على نفقة الدولة.. وتوفي أثناء التحضير لآخر أعماله

علي الطيب: الفنان أناني ومش عيب

واختتم: وأهم من كل ده اكتشفت أن بعض الصحفيين هيحولوا الموضوع لمشكلة وهيكبروا الموضوع بيني وبين حاتم وأبو سريع و آيه واحنا اللي بينا كل خير و صحاب و اخواتي و على راسي و ربنا يعلم أنهم غاليين عندي بس حسيت اني مش شرط يكون زعلى من تجاهلهم يفرق معاهم، فا محبتش اسيب الموضوع يكبر و تاخد اتجاه مش لطيف وطلبت من الشباب المسؤولين عن الصفحة تحذف البوست لأن العتاب والهزار هيقلب جد لحد ما اكتب بوست أوضح فيه و ربنا ما يجيب زعل ولا مشاكل، وعلى رأي البساطي الفنان أناني ومش عيب.