الراقصة دينا: أوكسانا تلميذتي أنا اللي مدرباها وجوهرة حلوة لكن متنفعش رقاصة

كشفت الراقصة دينا عن رأيها في الراقصات الغربية وذلك خلال حلولها ضيفة على برنامج القاهرة اليوم والمذاع على قناة Alfa tv، ويقدمه الفنان إدوارد والإعلامية نانسي مجدي، مشيرا إلى أن الراقصة أوكسانا من أفضل الراقصات وتدربت على يديها.

الراقصة دينا: أوكسانا تلميذتي وأنا اللي مدرباها على أيدي 

وقالت الراقصة دينا في تصريحات رصدها موقع تحيا مصر: لو هتكلم عن افضل الراقصات الأجانب فأنا أكيد هختار الناس اللي انا جبتهم ودربتهم على أيدي تلامذتي زي أوكسانا دي من أفضل الراقصات حاليا وأنا اللي مدرباه من وقت ما كانت في روسيا وجبتها معايا مصر هنا.

أما عن بدرة، قالت دينا: بدرة عندها قبول وجميلة وروحها حلوة وبتخطف الجمهور لكن هي أقل الرقصات الشرقية في الراقصين الأجانب.

الراقصة دينا تكشف رأيها في جوهرة 

وأكدت الراقصة دينا إلى أنها لا ترى جوهرة راقصة، موضحة: هي بنت جميلة جدا وشكلها حلو أوي لكن متنفعش رقاصة هي مبتعرفش ترقص خالص ولا تعرف حاجة عن الرقص حتى هي قدمت في برنامج الراقصة وأنا رفضتها هي حلوة بس مش رقاصة.

وكانت قد ظهرت دينا في برومو إحدى البرامج والتي من المقرر أن تكشف من خلالها تصريحات نارية، حيث قالت بها: أنا واحدة جاية من فرقة رضا عارفة يعني أي رقص.. وبيقولوا الرقص الشرقي مش فن هو اي حاجة صنعت في مصر بيقولوا عليها وحشة لكن اللي جاي من برة واو!.

الراقصة دينا: اتجوزت 9 مرات 

وكانت الراقصة دينا قد كشفت في تصريحات سابقة عن عدد زيجاتها، قائلة: أكتر واحد حبيته وأنا صغيرة جدا وأتوفى وأنا عندي 15 سنة، اتخطبنا وعملت خطوبة ولبست فستان أبيض قصير عندي صوره، كان أخو هادي الجيار كان اسمه طارق الجيار الله يرحمه، دا أول وأهم حب في حياتي، وأنا اتجوزت 9 مرات، مش رقم مفزع تحية كاريوكا اتجوزت 13 مرة، معنديش مانع أتجوز، بستغرب من اللي بيقول مش هعمل كده تاني تعرف منين الدنيا هتوديك فين، أنا مكنتش مخططة إني أتجوز 9 مرات لو عليا لأ، أصحابي لما واحدة تطلق بمنعها.