فريدة سيف النصر تدافع عن محمد رمضان بعد أزمة نجله: عياله متربية احسن تربية

خرجت الفنانة فريدة سيف النصر للدفاع عن محمد رمضان ونجله بعد الأزمة الكبيرة التي تصدرت حديث مواقع التواصل الاجتماعي المختلفة في الفترة الماضية، مشيرة إلى أن أبناء محمد رمضان تربوا تربية حسنة وليس كما وصفها والد الطفل الذي تشاجر معه.

فريدة سيف النصر تدافع عن محمد رمضان 

 وقالت فريدة سيف النصر في منشور عبر حسابها الرسمي بموقع التواصل الاجتماعي فيسبوك ورصده موقع تحيا مصر: اللي هايقولي بتتقربي ..واللي يقوللي بتحكي الكلام المزعج اللي بقينا بنسمعه..أنا والله لسه شايفه مداخله مع عمر اديب عن ابن رمضان..قبل مااقول اي حاجه مبدئيا هو في ناس بتكره العيال مجرد أنهم ولادنا طيب ازاي واحنا كل املنا عمل يعجبكم وتكونوا في ظهرنا...ملاحظه كره الفنانيين الشباب الكبار كمان لمجرد أنهم ولاد فنانيين..ده كلام ياأهل الله ياأهل مصر ياطيبين يااصحاب القلوب البيضاء والجدعنه والحنيه..هو في ايه.

فريدة سيف النصر عن واقعة نجل محمد رمضان: خناقة عادية وعيال محمد رمضان متربين 

وتابعت فريدة سيف النصر: خناقة عيال..والتانيين اكبر منه علي فكره ..ماعلينا دوول عيالنا ودوول عيالنا..في ايه..المداخله مع عمرو اديب ابو الولد بيقول ابن رمضان مشي وراه بعد الخناقه وبيصوره لحد الحمام ..والتاني ايه مش واخد باله..أن جيمس بوند وراه أو الرجل الشبح .طيب وفي أيده الموبايل جاب كرسي بسرعه وزنق الاوكره ايه البطوله دي والتاني ساكت له جوه ماسمعش لا الكرسي ولا المكالمه..هو احنا مضروبين علي راسنا اه من المسؤوليات بس مش مسطولين يعني..كلام مش راكب..وعلي فكره عياله متربيه اوي وطيبين جدا ولا يعرف يقول أنا ابن مين ولا الافلام دي تربيتهم زينا كده وانتم بتصدقوني ولاد بلد اوي لا مامي ولا بابي ولا ياي أنا ابن مين.  اتصالحوا ياجماعه بلاش نكذب علي بعض الحياه مش متحمله..دوول عيال قلبهم اخضر هاينسوا كل حاجه هما مابطحوش بعض يعني.

فريدة سيف النصر عن محمد رمضان: مش حرام ربنا يرزق فقير متربي 

وأضافت فريدة سيف النصر في منشورها: عيب ندخل النيابه في شغل عيال هما مش فاضيين لكده..الا اذا سيادتك عايز تعويض وموال..خلليكم حقانيين لله..أنا مع اسم الله الحق..و وبحق كتاب الله أنا مش شغاله مع رمضان لظروف خاصه بيا..ولا بافكر لاني بحبهم لله في الله الناس دي زينا واللي يفهم ويكون ابن بلد هايفهم.

محمد رمضان مع رجل الأعمال الإماراتي محمد العبار في أحدث ظهور له.. صور

الفنان حرض ابنه على ابني.. والد ضحية ابن محمد رمضان يكشف تفاصيل مثيرة في الواقعة

واختتمت فريدة سيف النصر في حديثها: مش حرام ربنا يرزق فقير متربي بار بوالديه واهله كتير هو ربنا وهو حر ..وحاولوا وانتم علي فكره مش كتير حبه كده ربنا يهديكم..حاولوا تحبوا عيالنا واحفادنا احنا بنحبكم وبنحاول نسعدكم...والسيد ولي أمر الطرف التاني..سيب الطفوله بيضا وصالحهم وصاحبهم علي بعض هاتكسب اكتر من اللي تفكيرك هايسوقك له...حبونا كرامه للنبي...ده نداء للقله اللي بتصطاد في الماء العكر...اللهم اني بلغت اللهم فاشهد.