ميدو نجم الزمالك السابق: "موضوع تجديد عقد زيزو طول وبوخ وليه تأثير كبير على استقرار الفريق"

أكد أحمد حسام ميدو نجم نادي الزمالك السابق، أن الفريق الأول لكرة القدم بالقلعة البيضاء، يحتاج للتعاقد مع لاعب وسط قوي بالإضافة إلى حسم ملف تجديد عقد أحمد سيد زيزو لاعب الفريق.

تحيا مصر، وكتب ميدو عبر حسابه الرسمي"إكس":" الزمالك محتاج نمره ٦ جامد بيعرف يحمي قلوب الدفاع ويعرف يغطي الأظهره بشكل جيد لما بيتقدموا مدافعين الزمالك متعريين بلغة الكورة.. الأولويات التخلص من اللاعيبة اللي بتكلفك فلوس ومش بتستفيد منهم دفع مستحقات اللاعيبة والتعاقد مع مساك جامد ولاعيب نمرة ٦ تقيل عنده خبرة وجناح شمال جامد وأخيرا حسم موقف زيزو في أسرع وقت ممكن".

وتابع ميدو قائلاً:"خلاصة حال الزمالك اللاعيبه دي مش هتلعب ١٠٠ ال ١٠٠ إلا لما ياخدوا مستحقاتهم مش هتاخد من اللاعيبه الروح والشراسة، والإصرار على المكسب إلا لما ياخدوا مستحقاتهم وبصراحة اللاعيبة دي اكتر لاعيبه استحملت في مصر لكن أنا ماقدرش أحاسب حد مابديلوش حقوقه غير ان موضوع زيزو طول وبوخ وليه تأثير كبير على استقرار الفريق لازم deadline لنهاية موضوع زيزو إما الرحيل او البقاء".

حسين لبيب يرفض الطلبات المالية لزيزو والده 

وأكد المصدر، أن مجلس إدارة الزمالك بقيادة حسين لبيب يرفض ، الأرقام التى عارضها والد زيزو على مجلس الإدارة والتي تصل الي 80 مليون جنيه بالإضافة لعمولة والده والتى تقدر 20 مليون جنيه في الموسم. 

مصدر في الزمالك يكشف موقف زيزو بشأن تجديد عقده مع القلعة البيضاء

وأضاف المصدر، أن الطلبات المالية لزيزو تفوق القدرات المالية المتاحة من قبل نادي الزمالك، والأمور تسير في طريق مسدود نظرًا للمشاكل المالية التي يعاني منها النادي بالإضافة لضرورة تجديد عقد اللاعبين وتوفير الأقساط المستحقة