بعد مشاركته في فيلم ضي.. أحمد حلمي: فخور إني واقف في برلين بفيلم مصري

شهد مساء أمس الأربعاء عرض الفيلم المصري سيرة أهل الضي ضمن مهرجان برلين السينمائي الدولي، بحضور الفنان أحمد حلمي والذي يظهر به بمشهدين فقط ولكن رغم ذلك أشار إلى أن هذا الدور سيصبح مصدر فخر له في تاريخه الفني وأنه كان متحمسا لدرجة كبيرة للمشاركة فيه رغم صغره.

أحمد حلمي: فخور إني واقف في برلين بفيلم مصري 

وقال أحمد حلمي على هامش عرض فيلم سيرة أهل الضي في تصريحات رصدها موقع تحيا مصر منذ قليل: أنا مؤمن أن في الدنيا دي حاجات بتناديلك، والكلمة اللي كنت بسمعها طول الوقت لما قلت هعمل المشهدين أو ثلاثة دول وكأن هيتضاف له حاجة، طول الوقت بيقولولي كده وأنا طول الوقت بقولهم مش كدا، وإن الفيلم هو اللي هيضيف لي أنا حاجة، وقد كان، ..النهاردة أنا واقف في برلين بفيلم مصري، وسعيد جدا وفخور ..أحيانا ممكن تطلع مشهد واحد يوازي 10 أفلام.

أحمد حلمي: مش قادر أوصفلكم سعادتي بالدور اللي عملته في فيلم ضي ومخدتش فيه فلوس 

وتابع أحمد حلمي حديثه، قائلا: أنا النهاردة موصفلكش مدى سعادتي بالدور الصغير اللي أنا عملته في الفيلم ده، وإن أنا كنت جزء ولو بسيط في هذا العمل الرائع، الناس رحبت أوي بالفيلم..أنا كنت مذهول برد الفعل، الأول أنا مخدتش فلوس في الفيلم، والحاجات بتناديلك أنا كنت معجب بالدور..ولما جالي كنت شغال فقولت مش هعمله لغاية ما تلف الأيام ويخلصوا تقريبا تصوير ما عدا المشهدين دول، فبسأل عليهم بالصدفة قالولي لسه ما اتعملوش، فشبطت فيهم، هذا الفيلم إضافة لي وأنا فخور حتى لو كانوا كام جملة إن أنا أشتغل معاكم.

وتأتي تصريحات النجم أحمد حلمي على هامش خلافه مع المصريين بسبب مزاحه مع الملحن مصطفى جاد والذي اعتبرها الجمهور المصري إهانة لمصر، خاصة وأنه قال الافيه الخاص به أثناء عرض مسرحيته بموسم الرياض السعودي والتي أتت بعنوان بني آدم.

بعد أزمته الأخيرة.. هاني شاكر يدعم أحمد حلمي: إفيه عفوي والهزار أتفهم غلط

هند صبري: منة شلبي غارت من شخصيتي في الفيل الأزرق 2 وبحضر لفيلم مع أحمد حلمي هيكون مفاجأة

أزمة أحمد حلمي مع المصريين

وكان قد ظهر أحمد حلمي وهو ينزل من المسرح وينكر معرفته بالملحن مصطفى جاد قائلا: "انت مين"، ليرد عليه جاد: "أنا مصري"، فجاءت مزحة أحمد حلمي معه على النحو الآتي: "مصري وقاعد في صف أول اكيد معزوم".

استفز الفيديو المصريين بشكل كبير جدا، واعتبره البعض إساءة لهم وللملحن مصطفى جاد الذي أنكر أحمد حلمي معرفته به رغم وجوده بجانب زوجته كارمن سليمان والتي تعتبر مطربة شهير داخل مصر، ووصف الجمهور إفيه حلمي بأنه غير موفق وغير مقبول نهائيا.