منى هلا عن أكل اللحوم : بحس بالذنب ناحية الحيوانات الأخرى لو أكلتها"

أعربت الفنانة منى هلا عن أسباب دفعتها منذ عدة سنوات إلى تفضيل الأطعمة النباتيه، وتجنبها للأطعمة الحيوانية، مشيرة إلى أنها ترفض ذبح الحيوانات.

وقالت «هلا»: «بدأت أتابع النظام الخضرى (الفيجين) من سنة بالظبط وفعلا ده كان أحسن قرار أخدته فى حياتى على الإطلاق، فرق معايا فى الصحة والنفسية والبشرة وكل حاجة، لخبطت شوية أيام فى النص واللخبطة بالنسبة لى يعنى أكل حتة جبنة أو كحكة معمولة بالزبدة لكن مكانش فيه لحمة طبعا، وكنت بتعب لما بلخبط فقررت إني مش هلخبط تانى أبدا».

وتابعت: «نظام نضيف وأمن تماما وصحى وبيحافظ على البيئة وموفر، ويكفي عدم الإحساس بالذنب تجاه المخلوقات الأخرى، أنا فعلا سعيدة بالقرار ده وفخورة إنى عملت كده، وندمانة إنى ما خدتش القرار ده من زمان».

واستكملت: «الغدا النهاردة عبارة عن بطاطس مسلوقة بالروزمارى وخضار فى الفرن طعمهم حلو قوى، وسلطة خضراء، هنزل طريقتها فى الكومنتات».