عفاف شعيب لـسهير رمزى وشهيرة: حد يقلع الحجاب فى السن ده بتقلعوا ليه(فيديو)

علقت الفنانة عفاف شعيب، على قرار كلل من الفنانة سهير رمزى والفنانة شهيرة بخلع الحجاب، قائلة: "الاتنين دول بقالهم 27 سنة محجبات.. ليه؟ بعد 27 سنة بتقلعوا ليه؟ كملوا.. بس هو كل واحد حر.. لكن زعلت لأنه بعد السنين دي كلها الناس كانت الناس حباهم بالحجاب وهما ما شاء الله حلوين وقمامير وكل حاجة، فا معرفش ايه اللي خلاهم يعملوا كده؟ أكيد حد وسوس لهم وقالهم حجاب إيه".
واكدت عفاف شعيب، خلال لقاء مع الإعلامية راغدة شلهوب ببرنامج "تحيا الستات" على قناة "النهار"، قائلة: لو كانوا خلعوا االحجاب قبل أكثر من 10 سنوات مكنتش انزعجت لهذه الدرجة، "لكن دلوقت وفي السن ده".
وعن قرار الفنانة الشابة حلا شيحة بخلع النقاب، علقت "شعيب" متسائلة:"طب لبستيه ليه؟؟ عشان كنتي مقتنعة بيه ولا عشان منظر ولا إرضاء لعريس جديد جايلك وقالك اتحجبي؟.. مينفعش، يا تلبسيه وأنتي مقتنعة إنه فرض من فروض ربنا سبحانه وتعالى يا متلبسيهوش".

وأضافت:"حلا ربنا يردها إليه ردا جميلا.. بس حتى لو قلعتيه التزمي باللبس انتي ذقتي طعم الطاعة والالتزام، فالتزمي بحدود معينة مينفعش تقلعي كده مرة واحدة.. أنا لو دفعولي مليار دولار لا يمكن أقلعه خلاص ده اتفرض عليا مش لعب عيال".