منة فضالي: "بمر بأسوأ مرحلة في حياتي"

كشفت الفنانة منة فضالي، عن السبب وراء ظروفها النفسية السيئة، لافتة إلى أن مرض والدتها يزيد من سوء هذه الفترة.

ونشرت فضالي عبر حسابها على موقع تبادل الصور والفيديوهات الشهير "انستجرام" صورة مع والدتها وكتبت عليها قائلة: "أنا طول عمري مفيش حد وقف جنبي ولا استحملني ولا شالني في أزماتي ولا حبني غير أمي كلهم وقت مؤقت وبس وهفضل أقول كده لحد ما أموت معنديش أغلى منها في الدنيا".

وتابعت فضالي: "ربنا يشفيكي ويخف من عليكي ويطول لي بعمرك أنا من غيرك والله ولا حاجة ويجعل يومي قبل يومك".

واستطردت حديثها قائلة: "شكرا للناس اللي سألت وآسفى إني مبردش على حد، الضربات ورا من كل حتة ربنا اللي يعلم بالواحد للأسف بمر بأسوأ مرحلة في حياتي بس ربنا كبير".

اقرأ أيضًا..ميرنا الهلباوي ومحمد عطية قصة حب شغلت السوشيال ميديا

وأضافت: "ومش معنى إني بضحك أو بنزل صور أكون مبسوطة بالعكس أحيانا الواحد بيعمل كل حاجة عكس علشان محدش يشمت في الآخر أقول الحمد لله".