خاص| شانك مخرج «تحقيق» لـ تحيا مصر: «مكنتش متوقع نجاحه والمسلسل بيخاطب الجيل الجديد»

تصدر مسلسل تحقيق التريند بعد طرحه منذ عدة أيام على منصة WATCH IT وكانت ردود الفعل حوله راضية بشكل كبير، كما تداول رواد مواقع التواصل الإجتماعي مشاهد منه وتفاعل معه الجمهور، وصرح المخرج محمد فتحي الشهير بـ «شانك» لـ تحيا مصر في لقاء خاص عن بعض كواليس المسلسل ونرصدها لكم خلال السطور القادمة.

شانك مخرج مسلسل تحقيق 

أعرب شانك عن سعادته بردود الفعل حول المسلسل، قائلًا: اللي مبسوط منه في ردود الأفعال ان اللي محبش المسلسل احترمه، يعني حس ان العمل ده في ناس تعبت وراه، واتبسطت ان هو موقعش تحت حلو ووحش هو فيه تحليل بيتكلم على القصة والمزيكا والتصوير، والإخراج والتمثيل، ومناطق التمثيل كانت بتحصل منين، مبقيناش في منطقة ايه ده والله يا جماعة مسلسل لذيذ اتفرجوا عليه.

كما كشف عن ذهوله من نجاح المسلسل، وقال: مكنتش متوقع رد الفعل ده خالص، وعامة انا مش ببقى متأكد من شئ حتى لحد يوم نزوله كنت اتكلم مع دباح مثلًا او فيكتور او الناس اللي كانوا قائمين على العمل، او الانتاج حقيقي دايما بقولهم معنديش اي فكرة البتاع ده هيعمل ايه يمكن ينزل ومحدش يتفرج عليه خالص.

وتابع شانك، قائلًا: وحلوة ان الواحد ميحطش توقعات عامةً يعني بالنسبالي الحلو اكيد بيبسطني، بس الوحش هيبقى درس الواحد يتعلم منه.

شانك: مسلسل تحقيق بيكلم الجيل الجديد

كما صرح شانك على اتجاه المسلسل نحو الأجال الجديدة ولغتهم، قائلًا: المسلسل بيكلم الجيل الجديد اكتر واللغة بتاعت المسلسل والتصوير وطريقة السرد، شبه الحاجات اللي الناس دلوقتي بتتفرج عليها في نتفلكس وHBO فاعتقد كانت فرصة حلوة اننا نعمل حاجة للجيل الأصغر وأنا محظوظ أوي اننا قدرنا نجمعهم.

وأردف، قائلًا: بس انا حاسس ان في توازن حتى لو الافيش مسيطر عليه الجيل الجديد، بس بالعكس الجيل الأقدم عمل توازن في المسلسل، لو مش موجودين عمر ما المسلسل هيكون كده.

تفاصيل مسلسل تحقيق

ومن الجدير بالذكر، أن يتكون مسلسل تحقيق من 12 حلقة، يقوم ببطولته النجوم أحمد مالك، وتارا عماد، وخالد أنور، وهدى المفتي، وطارق عبد العزيز، وعلي قاسم، كما أن المسلسل قصة وسيناريو وحوار محمد الدباح، وإخراج محمد فتحي، وهو من أعمال منصة WATCH IT الأصلية.