عاجل
الجمعة 12 أغسطس 2022 الموافق 14 محرم 1444
رئيس التحرير
عمرو الديب

نهاد في دعوى خلع: جوزي جابلي ضرة وسحلني في الشارع قدام الناس

زوجة تخلع زوجها
زوجة تخلع زوجها

«ضربني ومسح بيا تراب الشارع وسحلني من شعري قدام كل الناس».. تلك كلمات زوجة ثلاثينية بمحكمة الأسرة ألتقى بها تحيا مصر لتروي مأساتها مع زوجها.

تفاصيل القصة

فتقول نهاد البالغة من العمر 39 سنة: "أنا وجوزي متجوزين وأنا عندي 21 سنة وأنجبت ولد وبنت، البنت عندها 16 عاماً ، والولد عنده 11 سنة، وأنا عملت كل حاجه لجوزي وعلى الرغم من كده، اتطلقت منه مرتين ورجعنا تاني لبعض وللأسف بعد كل فترة من الطلاق يأتي لمصالحتي ونرجع مرة تانية لبعض حتى انتهى الأمر في إحدى المرات إلى أني عرفت إنه متجوز من بنت في أسيوط أصغر منه بسنين كثيرة".

زوجي جابلي ضرة

وتضيف نهاد: "أنا كل همي الأولاد ورفضت إنهم يتربوا في نفس البيئة اللى أتربيت فيها بدون أب ولا مسئول ولا رقيب عليهم ولكن جوزي فعل أكثر شئ لا تستطيع أي واحدة ست أن تتحمله وهو أن يتزوج بزوجة تانية وتصبح لها ضرة، وذلك يسبب مشكل كبيرة للزوجة من غيرة وحقد نحوهما".

وافقت أعيش مع الزوجة التانية ولكن شروطي

وتستكمل نهاد: "فأنا وافقت للأسف على العيش مع زوجة تانية وذلك بسبب أولادى ولإنه خيرني بين إنه يطلق البنت الصغيرة مقابل إقامتي ولكني رفضت أن يطلقها فهى كانت بنت عمرها 16 سنة وبعد جوازهم أصبحت زوجته وهى لم تكمل 18 عاما وكان زواجهم عرفي ومش عايزه حق البنت دي يضيع وكمان مستقبلها".

 

زوجي شد شعري في الشارع علشان طلبت شقة 

وتابعت نهاد: "الحقيقة بعد أن عشت مع الزوجة الثانية شهرين حبيتها جدا ولكن لم أستطيع أن أعيش مع ضرة لي في بيت واحد، وكنت أنا وجوزي مرة ماشيين في الشارع فانتهزت الموقف وقولتله إنى عاوزة شقة لوحدي أو يشتري لمراته الثانية شقة أخرى وتبقي هى في شقة لوحدها، فجوزي زعق معايا وقام بشد شعري وضربي في الشارع ولم يستحي حتى من نظرات الناس، وكل من في الشارع أدرك المشكلة التى بينا وسحلني قدامهم".

رفعت دعوى خلع

وتختتم نهاد: "أنا عملت أيه في حياتي علشان يوصل الأمر للمرحلة دى، فضلت مستحملة علشان الأولاد وتحملت زواجه بالبنت الأخرى عشت معاها في شقة واحدة وعلى الرغم من كل ده ضربني قطع شعري في الشارع، وعلشان كده قررت احط حد للموضوع ده فرفعت عليه دعوى خلع لإنه رفض أن يطلقني وننفصل بالمعروف".

تابع موقع تحيا مصر علي