عاجل
الثلاثاء 09 أغسطس 2022 الموافق 11 محرم 1444
رئيس التحرير
عمرو الديب

محمد فؤاد يحيي حفلًا غنائيًا في الساحل الشمالي الخميس المقبل.. تعرف على أسعار التذاكر

تحيا مصر

يحيي الفنان المصري محمد فؤاد، حفلًا غنائيًا بالساحل الشمالي ضمن حفلات موسم الصيف، وذلك  يوم الخميس المقبل، الذي يوافق يوم 4 أغسطس من الشهر الجاري.

تحيا مصر يرصد موعد حفل محمد فؤاد في الساحل

أسعار تذاكر حفل محمد فؤاد في الساحل 

وأعلنوا المنظمين للحفل عن أسعار التذاكر وهي: 800 جنيه للتذكرة العادية، 1200 جنيه للتذكرة المميزة، والترابيزة الجماعية لعشرة أشخاص تكلفتها 15 ألف جنيه.

محمد فؤاد يطرح ايه اللي غير طبعنا

طرح الفنان محمد فؤاد سابع أغاني ألبومه "سلام"،عبر قناته الرسمية في موقع يوتيوب، وهي بعنوان "إيه اللي غير طبعنا".

الأغنية من ألحان وغناء الفنان محمد فؤاد، ومن كلمات الشاعر أسامة محرز، وتوزيع محمود صادق.

كلمات اغنية ايه اللي غير طبعنا محمد فؤاد

وتقول كلمات الأغنية:

ايه الى غير طبعنا وخلانا كده تايهين

ايه الى وصلنا لكده وكاننا ديابه

لازم نخاف من ربنا ليه كلنا طايحين

مبقاش فى حاجه تهمنا وكاننا ف غابه

معقول نخاصم بعضنا ونفضل كده شايلين

ونعيش بقيت عمرنا بين اهلنا خايفين

في حاجات كتير مش طبعنا و بقينا بنعيشها

معقول خلاص بندوس كدا علي ملحنا و عيشنا

يابا اه يابا اه

على اللى جرالنا

يابا آه يابا آه

على اللى جرالنا يابا يابا

ضجّة واسعة أثارها الفنان المصري محمد فؤاد على مواقع التواصل الاجتماعي، بعد بكائه على الهواء في مداخلة تلفزيونية.

ولم يتمالك محمد فؤاد نفسه، عندما تذكر شقيقه إبراهيم فؤاد، الذي استشهد في حرب 67، أثناء مداخلة هاتفية مع الإعلامي عمرو أديب في برنامجه "الحكاية" على قناة "إم بي سي مصر".

وقال فؤاد: "أخويا اللي تحت الكبير، استشهد في 67، هو مرجعش، عيلة كاملة عايشة على أمل إن في يوم من الأيام نعرفله تُربة يعني.. هنموت من الوجع، عايزين نشوف تُربته، أمنية حياتنا نزور قبر أخويا ونقرأ له الفاتحة".

وتابع: "أبويا الحاج فؤاد الله يرحمه عانى جدا، كان أي خبر أن حد رجع من الأسر ولا حاجة يروح يدور وشقى ما بعده شقى، والله أصعب من خبر الشهيد أنه يبقى مفقود، كلمة مفقود دي متعبة، تعباني لغاية دلوقتي، وتعبان لتعب أبويا كمان، تعب الوالد والوالدة كان رهيب".

وأضاف محمد فؤاد: "أقسم بالله أمنية حياتي أدفن أخويا وأدفن نفسي معاه، نفسي بس نعرف مكان أخويا فين، ربنا يوفق الرئيس ويجيب حق ولادنا، أبوس إيدكم، يارب يكون في خبر سعيد، والله العظيم لأعمل فرح وقتها يسد شوارع مصر، وأغني ويبقى آخر يوم أغني فيه، مش عايز حاجة تانية من الدنيا".

تابع موقع تحيا مصر علي