عاجل
الجمعة 12 أغسطس 2022 الموافق 14 محرم 1444
رئيس التحرير
عمرو الديب

زوجة في محكمة الأسرة: جوزي حرامي وبيحب الستات العجوزة

زوجة في محكمة الأسرة
زوجة في محكمة الأسرة

«أنا مش عايزة أكل من فلوس حرام، وجوزي بيسرق مواد من شغله وبيبعها بره ويأكلنا منه ولما رفض ضربني وشتمني».. كلمات تحدثت بها أم محمد لـ تحيا مصر عندم إلتقاها داخل محكمة الأسرة لتروي لنا تفاصيل مشاكلها مع زوجها.

تفاصيل الواقعة

فتقول أم محمد البالغة من العمر 35 سنة: "أنا إتجوزت من 9 سنين، وأنجبت 3 أولاد، وزوجي بيشتغل خراط نحاس وهو عمره 38 سنة وبعيش في بيت عيلة زوجي، مع أمه وأبوه وأخواته وحياتنا في بداية الجواز كانت مستقرة ومفيهاش أي مشاكل".

بداية فترة الخلافات

وتحكى أم محمد : "بعد فترة من الزواج بدأت الخلافات بيني وبينه، وبدأ يضربني ويشتمني عشان عرفت أنه كان بيسرق  من شغله النحاس ويبيعه ورفضت إني أكل من فلوس حرام ومش عاوزه أربي عيالي من فلوس حرام، وبيشرب مخدرات، وكانت معايا صور ليه وهو بيجيب ستات البيت وكان بيكلم ستات في عمر أمه وبينصب عليهم". 

طلب الطلاق من زوجها

وتستكمل: "لما عرفت إنه بيعمل كل ده طلبت الطلاق ورفضت إني أقعد معاه تاني لأنه مش عاوز يتوب من اللي هو فيه وأنا مقدرش أعيش مع راجل نصاب وحرامي وخاين، ولما اتطلقت منه أهله أتهجموا عليا وعلي بيتي وضربوني وضربوا أهلي وعملت محضر في القسم أخد حقي منه ومن أهله عن اللي عملوه فيا وفي أهلي".

أخد أولاده بالغصب مني

أضافت: "بعد كده خطف عيالي مني ومش عارفه أوصلهم خالص وعاوز يخليهم يعيشوا معاه غصب عنهم حتي بنتي الكبيرة رافضه إنها تعيش معاه بس خايفة تعترض يضربها، وأنا معايا ولد لسه صغير بياخد تطعيمات وهو مش بيديه أي تطعيمات أو حقن ولما سألت واحده من جيرانهم علي ابني قالتلي ابنك جاله كساح عشان مش بياخد التطعيمات الخاصة بالرضع في الشهور الأولى". 

رفعت عليه حكم في المحكمة 

وأختتمت: "حتي العفش بتاعي خده مني ومش عاوز يرجعلي أي حاجة تخصني، فأضطريت إني أرفع عليه قضية حضانة لعيالي، في محكمة الأسرة، ودعوى أخرى للحصول على قائمة المنقولات بتاعتي أمام محكمة الجنح، عشان أخد عيالي وحاجتي اللي هو نصب عليا فيهم".

تابع موقع تحيا مصر علي