عاجل
السبت 20 أغسطس 2022 الموافق 22 محرم 1444
رئيس التحرير
عمرو الديب

المجلس الأعلي للإعلام يقرر وقف برنامج «ايمي تاتو» علي قناة الشمس

إيمي تاتو
إيمي تاتو

قررت هيئة المكتب بالمجلس الأعلى لتنظيم الإعلام وقف برنامج ايمي تاتو على قناة الشمس، بعد ان تلقى المجلس شكاوى كثيرة حول خرق البرنامج للأكواد الاعلامية، ومخالفة شروط الترخيص الصادر للقناة ، وتحويل المسئول القانونى للتحقيق فى المخالفات المنسوبة للقناة.

وقف برنامج ايمي تاتو

وكانت إيمي تاتو تستعد لتقديم فقرة من فقرات برنامج ضي القمر خاصة بالتجميل، وذلك في يوم الأحد من كل أسبوع على قناة الشمس في تمام الساعة السابعة والنصف مساءا.

كانت حالة من الجدل قد أثيرت في الساعات القليلة الماضية، بعدما أعلنت قناة الشمس عن دخول إيمي تاتو، صاحبة أشهر صالونات التجميل في مصر، مجال الإعلام من خلال تقديم برنامج تليفزيوني بعنوان “ضي القمر”.

وقد أغضب هذا الخبر عدد كبير من رواد السوشيال ميديا، والذي أتى على رأسهم طلاب وخريجي كليات الإعلام في الجامعات المختلفة، معربين عن حزنهم وفقدهم الأمل وكأن أصابتهم صاعقة لا يستطيعون الإفاقة منها.

تعليقات غاضبة من المتابعين

وجاءت تعليقات رواد السوشيال ميديا على دخول إيمي تاتو في مجال الإعلام على هذا النحو: “ده نهار ما طلعتلوش شمس ولا قمر ، المريب أكتر إن مدام إيمي كمان تقدر تقدم على النقابة لاحقا، وأنا دكتورة إعلام أهو مش في النقابة”، “انسى أخلاقيات الإعلام اللي درستها دي وانسى ميثاق الشرف الإعلامي وانسى اللي حصل دا عمتًا!”، “منتهى العبث والقذارة والاشمئزار بس دة اخر القنوات اللى متاح فيها شراء الهواء”، “الله يكون في عون بتوع اعلام بعد ما شافوا ايمي تاتو بقت مذيعة".

وخرج بعض من الجمهور ليدافع بكل قوته على إيمي تاتو، اذ كتب أحدهم: “معلش أنا ليا رأي في الموضوع دا عشان البوستات زادت عن حدها .. متسيبوا اللى يطلع يطلع .. وسيبوا اللى يعمل يعمل، ليه نفضل نجرح في بعض ونشتم عليها ونتريق ونقول كلام في عرضها وفي اسلوبها ..الناس اللى عمالة تولول على الفيس بوك على سنين عمرها اللى ضاعت في كلية الاعلام .. مالك بس يا حبيبي معلش ؟، مشروع تخرج ايه وكلية ايه اللى انت بتتكلم عنها ؟، هو انت عشان امتحنت شوية امتحانات في مجال الميديا بقيت اعلامي ؟، ولا انت عشان عملت مشروع تخرج كام دقيقة بقيت عمرو أديب ؟، انا عارف ان كلامي هيزعلك وهيضايقك”.

 

تابع موقع تحيا مصر علي