عاجل
الأربعاء 05 أكتوبر 2022 الموافق 09 ربيع الأول 1444
رئيس التحرير
عمرو الديب

خاص| بعد أزمته مع منتج مشهور.. الموسيقين تكشف تفاصيل التحقيق مع أحمد شيبة

تحيا مصر

كشف المستشار سعد المتولي، أحد أعضاء مجلس نقابة المهن الموسيقية، كواليس التحقيق مع المطرب أحمد شيبة، على هامش أزمته مع المنتج أحمد فخري الذي تقدم بشكوى ضده في النقابة، وذلك بسبب عقد جمعهما. 

انتهاء أزمة أحمد شيبة مع أحد المنتجين

وقال سعد المتولي في تصريح خاص لـ تحيا مصر: "شيبة بعت المحامي بتاعه النهارده واحنا قفلنا الموضوع وخلاص الأزمة اتحلت بينهم عشان الراجل الشاكي ملوش حق".

تفاصيل التحقيق مع أحمد شيبة

وتابع: "العقد اللي كان جاي يشتكي بيه من 2006 والمفروض يخلص 2008، هو كان على اساس انه يمتد بس يمتد ازاي وهو ملتزمش بتنفيذ العقد اصلًا".

طرحت إحدى شركات الإنتاج على طريقة الفيديو كليب، أحدث أغنيات الفنان أحمد شيبة، أغنية «من كتر ما شفت» حصريًا عبر قناة الشركة الرسمية على اليوتيوب

كلمات اغنية من كتر ما شفت أحمد شيبة

من كتر ما شفت يا دنيا
لقيتها خلاص مش فارقة
الناس بقى لي تفكيرها
تشوف ناس غيرها في غرقة
واللي يقدم لك خدمة
تلاقي عينيه على غيرها
كلها بقى سهل عليها تأجر حتى ضميرها
ما بقاش في كسوف
نعمل معروف يترد علينا بعلقه

ابو عين مليانة اديلو امانة
يصون ما يخونشي
والعيش والملح على ابن الناس
تلاقيه ما يهونشي
واللي ما يحمدش الله على النعمه
وعيشتوا عواله
بيرازي في خلق الله في الشر
دماغه شغاله
وتلاقي من حكه الناس تتلم
ف رقص ما تتأخرشي

نغلط ونقول مش غلطة
ونداري على الغلطة بغلطة
بنكح تراب م الاخر
عايشينها بخور و أونطة
قايمين نايمين نحسبها
بندور على مكاسبها
واللي تخسر بنسيبها
بقى كله عنيه ع الشنطة

بنمد ايدينا للناس بالحب
نلاقي عداوه
واللي ما يسواش نلقاه علينا عاش
والروس تتساوى
وبقينا حريفة نبر مفيش
الله يسهل له
وابو زمة نظيفه نقوم جايين
على وسطه نحلوا
حتى اللي شارينا بنفرط فيه
برخيص ما بقاش في غلاوه

بنعيب ع الناس ال يعني خلاص
العيب مش فينا
وفراغة العين جايبينها منين
حد يرسينا
فين راح الدم يا خلق تعبنا
كفايه ندالة
عايزين نرتاح اخرتها وصلنا
لاسوأ حالة
ليه تمللي العيبه بتبان ف الغيبة
ونقطع على بعضينا

ليه بس الكلمه بيبقى قصادها
اثنين وثلاثة
والضحكه الصافيه في يوم
ما ناخذها ناخذها شحاته
بلا حرقة دم تعالوا نتلم
وفضوها سيرة
بلا هري وجري ورمح وغل
وحقد وغيرة
ما تصفوا قلوبكوا الدنيا زوال
اصلها فانيه ومتفاتة

تابع موقع تحيا مصر علي