عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

محمود عزب عن غيابه فنيا: مبقاش فيه إهتمام بالضحك.. وهذه حقيقة خلافه مع الكينج

محمود عزب
محمود عزب

حل الفنان والكوميديان محمود عزب، الشهير بـ عزب شو، ضيفا على برنامج “كلام الناس” الذي تقدمه الإعلامية ياسمين عز عبر قناة mbc مصر، وذلك في أولى حلقاتها بعد عودتها من الإجازة الصيفية.

تحيا مصر يرصد في ذلك التقرير تصريحات محمود عزب في أول ظهور له بعد غياب

محمود عزب يكشف سبب غيابه فنيا

تحدث محمود عزب في بداية حلقته مع ياسمين عز عن سبب غيابه فنيا، فقال: “بسبب الظروف اللي بنمر بيها حاليا مبقاش فيه اهتمام كبير بالضحك زي الأول، وأنا متعود على كدة أن فضلت 4 سنين من غير شغل في وقت محصل تغيرات في القنوات”.

وتطرق محمود عزب بالحديث عن بدايته الفنية، فقال: “جات صدفة.. كان عندي 17 سنة وبقدم فقرات في المدرسة حد عرض عليا أقدم في برنامج في الجماهيرية وروحت لواحد قولتله قدمت فقرة ومن هنا بدأت حياتي العملية والفنية وكانو بيصقفولي عشان عيل صغير... اللي هو بيشجعوني”.

محمود عزب: بعيش الشخصية مش بلقدها

وتابع محمود عزب حديثه، فقال: “كان بالسنبالي التقليد العادي زيي زي ناس كتير بس بعد كدة اكتشفت إنه مش لازم أقلد عدد كبير لازم يكون ليا محتوى خاص بيا، وقبلي كان كريم فهمي وواخد التلقيد النمطي فبدأت أعمل حاجة جديدة، وهي إني أعيش الشخصية مش بقلدها”.

وعن إزدهاره الفني، فقال: “سمير الإسكندراني أول شخصية عملتها وعملت ضجة، هو كان من الناس اللي شجعوني جدا، وكنت بربط الدقن والشنب بالإستيك عشان أبان شبهه وأول مرة عملته الكراسي وقعت لورا من كتير الضحك، وبعدها تتالت بقى مفيد فوزي ومحمد نور ومحمد منير وحمادة سلطان”.

حقيقة خلاف محمود عزب مع محمد منير وحمادة سلطان

وكشف محمود عزب عن حقيقة خلافه مع محمد منير وحمادة سلطان، فقال: "أنا فنان مش بتدخل في فن حد، أنا اخترت الشخصية وفوجئت إن حمادة سلطان بيقول نكت وبيضحك عليها قبل الجمهور ما يضحك عليها، فأنا عملت فقرة عليها وهو زعل".

وعن محمد منير، فقال: “منير صديقي وحبيبي بس جه في مرة في حفلتين ورا بعض قالولي اعملنا منير فعملت منير فهو اتصل بيا في التليفون وقالي سيبني في حالي يأخي ملقتش غيري”.

تابع موقع تحيا مصر علي