عاجل
الخميس 29 سبتمبر 2022 الموافق 03 ربيع الأول 1444
رئيس التحرير
عمرو الديب

متجوزتش عشان والدتي وزميلتي قالتلي اعملي عملية تحويل.. أبرز تصريحات وفاء السيد

وفاء السيد
وفاء السيد

حلت الفنانة وفاء السيد ضيفة الفنانة نشوى مصطفى، ببرنامج بنت البلد، المذاع على قناة صدى البلد، وكشفت عن سر غيابها عن الفن لمدة 15 عام، كما صرحت بعد التصريحات القوية.

تحيا مصر يرصد لكم تصريحات وفاء السيد في برنامج بنت البلد 

أبرز تصريحات وفاء السيد 

- غبت فترة بعد آخر عمل ليا كان مع الزعيم عادل إمام

- بعد ما عملت الفيلم معرفش إيه اللي حصل بدل ما اشتغل قعدت في بيتنا

- ساعتها كنت بعمل مسرحية اسمها روايح مع الفنانة فيفي عبده

- وقولت لـ زملائي أنا الزعيم بعتلي وهعمل فيلم معاه

- من بعدها قعدت في البيت من 2007

- المخرجون اتغيروا ومبقتش عارفة مين بيعمل إيه

- استنيت حد يطلعني من اللي أنا فيه ويبعت لي شغل بردو مفيش

- لغاية لما الحمد لله رمضان اللي قبل اللي فات جالي مسلسل نسل الأغراب

وفاء السيد عن والدتها الراحلة

- والدتي توفت في 2016 كانت بتفرح لما بتشوفني في التلفزيون وكانت السند

- كنت بقول لو مشتغلتش مش مهم أنا معايا ماما

- وجود ماما كانت حاجة مريحاني جدًا ولكن الحمد لله

وفاء السيد عن تعرضها للتنمر

- الناس بتتنمر ولكن مش بزعل من التنمر لأنه مش عليا ولكن على الأدوار اللي بعملها

- وأنا بحب أدواري والناس بتقول الله ما هي قمر وشكلها حلو

 - لكن التنمر مش أساسي عليا أنا

وفاء السيد عن التنمر على ميرفت أمين

- أتوجعت من التنمر على الفنانة ميرفت أمين

- كان فيه مقوله للدكتور مصطفى محمود بيقول أوعي تضحكي على نفسك إنك كبرتي، لأ الجسد ده وعاء بيتحط فيه وعاء بيتحط فيه الروح والروح عمرها ما بتشيب

- أنا بحمد ربنا إني اشتغلت مع ميرفت أمين فترة طويلة في مسلسل يحيا العدل 

- ميرفت أمين إنسانة رقيقة وجميلة جدًا

وفاء السيد: زميلة ليا قالتلي اعملي عملية وحولي راجل

- زميلة رشحتني في فيلم وروحت أعمل الدور وأنا مش ضد إن حد يعمل فتاة ليل 

- ده الفنانة عبلة كامل عملت فتاة ليل ولكن بشكل كوميدي

- لكن في الفيلم ده كانوا مصممين إني ألبس قميص نوم 

-  أنا قولت لـ زميلتي مش هقدر أعمل كده

- قالت لي روحي أعملي عملية واقلبي راجل

وفاء السيد عن أسباب عدم زواجها

- محصلش نصيب في الزواج لأن والدتي كانت في المقام الأول 

- من 2006 جالها جلطة في المخ وأثرت على الكلام ومكنتش أقدر أسيبها لغاية وفاتها

وفاء السيد توجه رسالة للجمهور

- الفنان بينزل علشان بيحبك وأي عمل فني بيتعمل علشان سعادتك

- أنتوا كمان كجمهور خلوا المسألة رحيمة وحب الفن المصري وحاول تقف جمبنا

تابع موقع تحيا مصر علي