كان كويس وروحه حلوة.. شريف رمزي يكشف أخر لقاء له مع هشام سليم

كشف الفنان شريف رمزي أخر لقاء له مع الفنان الراحل هشام سليم وذلك من خلال حسابه الرسمي بموقع التدوينات القصيرة “تويتر”، مشيرا إلى أنهما ضحك سويا واستمتعا بيومهم معا.

تحيا مصر يرصد في ذلك التقرير أخر لقاء لـ هشام سليم مع شريف رمزي

أخر لقاء لـ هشام سليم مع شريف رمزي

كتب شريف رمزي على تويتر: “لسه كنت عنده في المستشفي و كان كويس و قوي و روحه حلوة و متفائل و قعدنا نتكلم كتير و نضحك و نتكلم في الماضي والمستقبل الله يرحم الفنان الكبير العظيم المحترم القوي صاحب المبادئ و القيم هشام سليم رحيلك ألمني جداً ربنا يجمعني بيك في الجنة”.

حسام داغر يكشف مواقف انسانية لـ هشام سليم معه

وكان قد كشف حسام داغر بعض التفاصيل عن انسانية هشام سليم معه، فقال: "إنا لله وانا اليه راجعون.. لسة كنا بنتكلم اول امبارح وقولتله عايز اشوفك قاللى مستنيك يا شريف، لا حول ولا قوه الا بالله ربنا يرحمك، رحل الجميل الطيب الجدع الحنين ابن الناس .. النضاف بيمشوا واحد ورا التاني .. لما شالولي مشاهد ليا في فيلم كلام في الحب و كان اول فيلم اشارك فيه و طلعت بره القاعه في العرض الخاص و بكيت جريت ورايا تطبطب عليا و خصوصا ان في مشاهد انت كنت فيها معايا و حضنتني و قلتلي اجمد لسه ياما هتشوف”.

وتابع: “لما انا اختلفت معاهم في مسلسل لحظات حرجه و كان المخرج الكبير ساعتها اول مره يخرج و مكانش مقدر اني عندي مسرحيه مبلغ بيها الانتاج و كان لازم امشي قبل الساعه ٩ و خرجت من قوضتك يومها زعقت فيهم و فكرت المخرج يومها الي اتريق علي فكره المشاركه في المسرح و اعتبرها تضييع وقت ان والده الكاتب الكبير اساسا كان موظف في مسرح الدوله و شرحله قاعده ان المسرح يلغي التصوير و التصوير يلغي البروفه و قلتلي انت لسه هنا اجري الحق مسرحيتك يا حس .. كنت دايماً ميهمكش و هيهمك مين و انت المتربي علي الاصول و الاخلاق و جبر الخاطر .. ربنا يجعل تعبك و مقاومتك للمرض اللعين في ميزان حسناتك .. طول عمرك محارب حاربت و اتحاربت كتير”.

أخر أعمال هشام سليم

وكانت أخر اعمال الفنان الراحل هشام سليم الذي قدمها قبل رحيله، مشاركته في مسلسل “هجمة مرتدة”، إلى جانب كلا من هند صبري وأحمد عز، والذي تم عرضه في السباق الرمضاني 2021، وحقق نجاحات سحقة خلال فترة عرضه، كما شارك أيضا في فيلم موسى إلى جانب الفنان كريم محمود عبد العزيز.