عاجل
الأربعاء 08 فبراير 2023 الموافق 17 رجب 1444
رئيس التحرير
عمرو الديب

نادية الجندي: لو رجع بيا الزمن كنت أتمنى أخلف أكتر من ولد.. وسمية الخشاب لازم تعيد حساباتها

نادية الجندي
نادية الجندي

تحدثت النجمة نادية الجندي أثناء حلقتها ببرنامج حبر سري عن الكثير من الأمور التي تخص حياتها الشخصية والتي منها علاقتها بابنها هشام وسر ابتعاده عن الأضواء والشهرة.

تحيا مصر يرصد تفاصيل تصريحات نادية الجندي عن ابنها هشام

حيث قالت نادية الجندي: “لو رجع بيا الزمن كنت أتمنى أخلف أكتر من ولد.. ربنا يخليه ويحفظه بس حكاية الابن الواحد دايما بيخليكي طول الوقت خوفك عليه وقلقك.. ولو أن أنا مدلعتوش.. دايما الولد الواحد بيبقى متدلع لا أنا كنت صارمة جدًا في تربيته.. بس حتة أن طول الوقت أنتي قلقانة عليه أكتر من اللازم وأعتقد لو عندك اتنين أو تلاتة القلق بيقل شوية”.

وعن السر وراء ابتعاد نجلها عن الأضواء والشهرة قالت نادية الجندي: “نجوميتي مضرتش ابني هشام.. رغم أن أبوه نجم كبير وأمه نجمة لكن هو بعيد عن الأضواء وعن الوسط وليه شخصيته المستقلة خالص ومعندوش حتة الغرور.. وأنا مبعدتوش عن الأضواء هو لو كان موهوب وحب يمثل أو يخرج مكنش عندي اي مانع اطلاقا بس هو خد كارير تاني يعني دراسة ولغات”.

نادية الجندي تكشف عن رأيها في دور غادة عبد الرازق بمسلسل “الباطنية”

ومن ناحية أخرى، أبدت نادية الجندي رأيها في الدور الذي قدمته النجمة غادة عبد الرازق في مسلسل “الباطنية” وهو ذاته الذي قدمته النجمة نادية الجندي في الفيلم، وقالت الجندي: “غادة عبد الرازق ممثلة مجتهدة جدا وممثلة قوية جدا لكن انا كان ليا راي في مسألة ان انتي تعيدي تاني اعمال كان ليها بصمة كبيرة وصدى عند الجماهير”.

وتابعت: “وفيلم قعد سنة في دور العرض بابطال معينين وصورة العمل رسخت في وجدان الناس بالشكل اللي طلع بيه بابطاله ومخرجة ولما تيجي بتقلدي العمل فالعمل بيتظلم والنجمة اللي فيه بتتظلم.. وانا شخصيا لو جالي عمل نجح جدا بابطال معينة ورسخ في وجدان الناس بشكل معين لا انا معيدوش ولو كان اتعرض عليا نفس دوري في المسلسل هرفض”.

وعن سمية الخشاب قالت الجندي: “سمية الخشاب لازم تعيد حساباتها تاني وتعمل أدوار لأن سمية طاقة كبيرة جدا بس إن شاء الله ربنا يوفقها وتلاقي العمل تنزل بيه تعيد تاني نجوميتها”.
 

تابع موقع تحيا مصر علي