عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

ريم أمام محكمة الأسرة:"جوزي نفسه يبقى مغني مهرجانات و صوته وحش وبيضحك الناس علينا"

محكمة الاسرة
محكمة الاسرة

"جوزي جابلي الكلام بسبب صوته الوحش والفيديوهات اللي بيغني فيها" بتلك الكلمات روت ريم لـ تحيا مصر من أمام محكمة الأسرة عن زوجها الذي يرغب في الغناء بدون موهبة كافية لذلك مما جعل جميع أهل المنطقة وأسرتها يسخرون منه.

جوزي شغال في بنك ومتأثر بمغنيين المهرجانات 

بدأت ريم حديثها لتحيا مصر :" أنا وجوزي متجوزين من 9 سنين وعندنا ولد  جوزي شغال تسويق في بنك وفي الفترة الأخيرة لاحظت أنه متأثر بمغنيين المهرجانات وبيسمعهم طول الوقت ونفسه يبقي زيهم لأنه شايف أنهم محبوبين من الناس وبيكسبوا فلوس قد كدة ومعاهم عقارات وفلل وعربيات وهما كل اللي بيعملوه انهم بيغنوا بنبرة صوتهم العادية ومعاهم ناس بتكتشفهم ويظبطوا أغانيهم دي و يتشهروا بسببها " .

صرف فلوس قد كدة عشان يجيب معدات تساعده في الغنا

وأستكملت :" لقيت جوزي بيقولي أنا هشتغل علي نفسي الفترة اللي جاية في موضوع الغنا وأن شاء الله أعمل أغنية تكسر الدنيا وتشهرنا وتجيبلنا مشاهدات وفلوس باللأوفات وانا وقتها مكنتش عارفة أقوله أيه أشجعه عشان هو جوزي ولا أقوله أنه معندهوش الموهبة اللي تخليه يغني وساعتها الناس كلها هتستهزأ بيه بس هو أصراره خلاه ميهتمش برأي خد غير نفسه وفعلا عمل لنفسه ستوديو وجاب معدات وأضاءه وأجهزة وصرف فلوس كدة عشان ينفذ اللي هو عايزه ".

عمل أغنية خليته مش عارف يروح الشغل بسببها 

وتابعت :" واحد صاحب جوزي كتبله أغنية هايفة و جوزي أشتغل عليها وغناها في فيديو ونشر الفيديو ده علي الفيس بوك واليوتيوب كل أهله وصحابه وأهلي أنا كمان شافوه الناس كلها ضحكت عليه وقالوله " بقي معقول موظف بنك محترم يعمل اللي أنت بتعمله ده ؟"  والناس كلها أجمعت أنه معندوش أي موهبة ولو كمل في الطريق ده هيبقي بيخسر شكله وسمعته قدام الناس جوزي أكتئب فترة كبيرة من الكلام السلبي اللي سمعه ومبقاش قادر حتي يروح الشغل عشان الناس متتريقش عليه  وقولت بيني وبين نفسي يمكن كلام الناس يجرحه شويه لكن يخليه يتعظ لكن كانت المفاجأة أنه بعد فترة رجع تاني للي في دماغه ومهتمش لكلام حد ساعتها أتاكدت أني لو فضلت عايشة مع الراجل ده عمري ما هرتاح من كلام الناس ولا نظراتهم ليا أنا وأبني وقررت اخلعه وبدعيله أن ربنا يهديه ويرجعه لعقله ".

تابع موقع تحيا مصر علي