محمود عبد المغني: اشتغلت بلاط وكان اسمي مسمع.. وأحمد فتحي مازحا: مكنتش بعمر في شغلانة

تحدث كلا من الفنان أحمد فتحي والفنان محمود عبد المغني عن طفولتهم، بداية من نشأتهم وصولا إلى بداية دخولهم في مجال العمل والإعتماد على نفسهم، وذلك خلال ضيافتهم لـ برنامج سهرانين مع أمير كرارة المذاع على قناة أون.

تحيا مصر يرصد في ذلك التقرير تفاصيل طفولة أحمد فتحي ومحمود عبد المغني 

محمود عبد المغني: اشتغلت بلاط عشان كنت عايز أحس اني مسؤل

قال محمود عبد المغني متحدثا عن عمله في الطفولة: “بعد ما ابويا توفى كنت عايز أحس اني مسؤول فمبقتش اروح المدرسة رغم إن ليا اخوات كبار، أخويا كان شغال في البلاط فاشتغلت زيه وكنت أحسن واحد في الصنعة ومطلوب بالاسم، وبعدها اشتغلت في ورش طوب”.

زتطرق بالحديث عن مسكن رأسه، فقال: “بيتي كان قريب من النيل قاعد في وسط ناس طيبة وجدعة، وكنت بمشي من البيت لـ شارع السيما كان عندي 8 أو 9 سنين فكنت بروح أتفرج وبعدين بقت بيتي فكانت حاجة حلوة في تكوين شخصيتي”.

أحمد فتحي: اشتغلت على عربية كبدة ومراتي مش بتخليني أدخل المطبخ

بينما قال أحمد فتحي عن طفولته: “كنا عيلة متحفظة شوية، وكنا حاسين بنفسنا فكنا نطلع نلعب فوق السطح وبعدها أما كبرنا بقينا ننزل الشارع، اول مرة اشتغلت كان في نادي الترسانة كنت بشيل كراسي وافرشها وكنت صغير خالص كاني عندي 12 سنة، وبعدها اعتزلت عشان كنت تخين جدا وبتعب من أقل حاجة”.

وتابع: “بعدها واشتغلت على عربية كبدة ومشيت بعد 3 أيام أنا مكنش بعمر في شغلانة، وعمري ما فكرت أخس ومراتي مش بتخليني أدخل المطبخ عشان ببهدلها الدنيا وبتقولي شوف عايزني أعملك اي وأنا اعمل بس مفيش حاجة بتحصل”.

محمود عبد المغني وامير كرارة

من ناحية أخرى، كان قد تعاون محمود عبد المغني مع أمير كرارة في مسلسل “العائدون” الذي شارك في بطولته أيضا كلا من أمينة خليل،والسوري أحمد الأحمد، ورشا بلال، وميدو عادل، وإسلام جمال، ومايا طلام، ونبيل عيسى، وجيهان خليل، وهو من تأليف باهر دويدار، وإخراج أحمد نادر جلال وإنتاج شركة «ميديا هب» سعدى – جوهر، وتدور أحداث مسلسل العائدون حول حول محاولات المخابرات المصرية التصدي للإرهاب متمثلًا في داعش، حيث يقوم العاملون بالمخابرات من ضباط وخبراء اتصال وعملاء سريين كلٌ بدوره في عمليات تهدف إلى حماية الوطن والقضاء على الإرهاب.