جواهر توجه رسالة لـ نقيب الموسيقيين القادم: “بلاش نهاجم الناس وياريت نعاملهم كبشر”

وجهت المطربة جواهر رسالة لـ نقيب الموسيقيين المقبل، المقرر فوزه في انتخابات اليوم بمقعد النقابة، مؤكدة على الاهتمام بالموسيقيين، ومطربي المهرجانات.

تحيا مصر يرصد في ذلك التقرير تصريحات جواهر لـ نقيب الموسيقيين القادم

رسالة جواهر لـ نقيب الموسيقيين القادم

قالت جواهر خلال بث مباشر عبر موقع تحيا مصر: “بقول للنقيب اللي جاي بلاش نهاجم الناس، واللي بيغني مهرجانات نجيبه ونقوله لا غير الكلمات دي ونصلحها، لازم نعامل الناس كـ بشر، ربنا معاك المهمة صعب جدا خاصة السنة دي..وخلي بالك من الموسيقين شوية وياريت نزود لليهم المعاشات شوية لانهم تعبانين جدا جدا”.

وتابعت حديثها:" الفترة دي بـ إذن الله هتبقى احسن فترة للنقابة، والجيل بتاعي من 90 لـ 2000 رجع بقوة، وياريت نتعامل كبشر الفترة الجاية ولو واحد بيغني كلمات رقيقة نقوله صلحها".

نجوم الغناء يطالبون بالاهتمام بالموسيقيين

جدير بالذكر، أنه لم تكن جواهر فقط هي من ناشدت بالإهتمام بالموسيقيين، فقال عبد الباسط حمودة: “في غيري مش لاقي ياكل، وممنوع المطرب يطلع بدون موسيقي، الموسيقى ده ربنا خلقه ليه عشان يقعد فيه بيته، هنختار اللي هيحترمنا وهيمنع الكلام الخارج  ويشغل اللي قاعدين في البيت ويشوف مطالبنا هو اللي هننتخبه.. ومش عايزين حد يقعد في بيته وميردش علينا”.

بينما قال محمود الليثي: “ربنا يوفقك الجميع، بس أهم حاجة عندنا الراجل الموسيقي، وأنا مشكلتي كلها الموسيقي، نشوف طلباته وبس.. مش عايزين حاجة غير غير اننا نشوف الموسيقي عايز اي، أنا معايا 72 واحد وسعد معاه 60، وعبد السلام معاه 50، محتاجين نشوف طلبات الناس دي، احنا في دولة قانون مش ضد حد خالص وربنا يولي من يصلح”.

خر أعمال المطربة جواهر الفنية

جدير بالذكر، أنه طرحت جواهر مؤخرا أغنية جديدة بعنوان “باركوله”، من كلمات عنتر هلال، وألحان حسن دنيا، وتوزيع إسلام ساسو، إشراف حمادة أباصيرى، وإخراج أحمد نور، وإنتاج طارق عبد الله، وتعيش المطربة جواهر حالة من النشاط الفني إذ تنوي لطرح فيديو كليب جديد بالتعاون مع المطرب الأسوانى محمود شرقاوى بعنوان "5 كلمات"، كلمات سيد الأسوانى، وألحان شرقاوى، وتوزيع كريم عادل.