الجوكر حالة إنسانية فريدة ونفسي أعمل دور هتلر.. أبرز تصريحات علاء مرسي

حل الفنان علاء مرسي ضيف برنامج واحد من الناس مع الإعلامي عمرو الليثي عبر شاشة قناة الحياة، وكشف العديد من الأسرار عن حياته لأول مرة.

تحيا مصر يرصد لكم أبرز تصريحات علاء مرسي في برنامج واحد من الناس 

تصريحات علاء مرسي على قناة الحياة 

• كان نفسي اشتغل في مسلسل الشهد والدموع وكانت على حس إن أنا ابن قطاع الانتاج
• أنا الفترة دي بعمل بحث عن الجوكر وبقرأ عنه كتير وبتفرج على كل اللي عملوه عشان هو حاله إنسانية فريدة
• فيلم الطريق إلى إيلات فاتحة خير عليا وبحبه جدًا
• كنت مرتبط بوالدتي جدًا ورحيلها كسرني كسرة كبيرة جدًا وكانت صاحبتي
• خوفت فترة تعبي دي ارد على التليفون عشان محدش يقولي امك ماتت
• دور فتحي البلطجي في ملف سري عملت صوت غريب وقتها
• عشان الشخصية دي كانت بتشتغل في الدوكو كتير وده بيعمل مشاكل في الأحبال الصوتية وكنت بخرج من اللوكيشن برجع طبيعي عادي
• مشهدي مع ماجد المصري في ملف سري اتصور الساعة 7 الصبح وقالهم أنتوا جايبلني علاء مرسي يموتني؟
• أنا عاشق لأبو السعود الأبياري وكل الفترة دي ولما عرض أحمد الأبياري عليا العمل ده وافقت
• بحب فيلم اسمه هستيريا في مشهد وأنا بطلب من أحمد زكي أخته
• وكان اسم الدور رزق وأستاذ أحمد زكي كان بيسرحلي شعري قبل التمثيل
• هتلر من الأحلام اللي نفسي اعملها وكل الناس بتشوفه قاتل
• لكن أنا بشوف الجانب الإنساني في هتلر والعلاقة بينه وبين أمه رهيبة وكان شايف الستات خاينين بس أمه كانت حاجة تانية

حياة علاء مرسي قبل دخوله الفن 

وقال علاء مرسي عن حياته قبل دخوله الفن، فقال: اشتغلت صبي قهوجي اسمه عبد قُرقُر عشان وقتها كانت ضرورية ويوميتي كانت نص جنية، كنت باكل علبة كشري منها وشوفت شخصيات طيبة وعظيمة، وكنت ببات جوا القهوة ومش عايز ارجع البلد عشان عايز امثل، وروحت بعدين قهوة النجارة وشوفت عليها الأستاذ أحمد عدوية وسهير زكي وقربت منهم وصاحبتهم، كان في منهم بيقولي شوف مذاكرتك، واللي منهم قالي صمم.

وتابع: كنت برجع البلد وبفهمهم إني ممثل مهم، واشتغلت صبي نقاش في قبل مرحلة من وأنا جاي من دسوق للقاهرة عشان مركز التدريب ودخلت نقاشة.