عائشة بن أحمد موهبتها سهلة ممتنعة وبعتبر يسرا في كل الأجيال.. تصريحات علاء مرسي

صنف الفنان علاء مرسي أفضل فنانات الجيل الجديد بترتيب من وجهة نظره، وذلك خلال لقائه ببرنامج واحد من الناس مع الإعلامي عمرو الليثي.

تحيا مصر يرصد لكم تصريحات علاء مرسي في برنامج واحد من الناس 

علاء مرسي: عائشة بن أحمد موهبتها سهلة ممتنعة

وقال علاء مرسي مع عمرو الليثي: من أهم ممثلات الجيل الجديد منى زكي، يسرا وبعتبرها موجودة في كل الأجيال، زينة، حنان مطاوع، دنيا سمير غانم ممثلة مهمه بس بيزقوها على الكوميدي أكتر وقت، وعائشة بن أحمد عندها موهبة السهل الممتنع وشوفت عمل قريب ليها، عملت لحظة صعبة وهي مهمة جدًا.

علاء مرسي يقدم عمل تاريخي 

وعن حقيقة شروعه في تقديم عمل فني تاريخي قال: فيلم اسمه الفارس عن قصة خالد بن الوليد، وكان مشروع بيني وبين مازن الجبلي، وروحنا لرجل أعمال إماراتي واقتنع بالموضوع، وفكرته “نحن في انتظار خالد بن الوليد” وهنقرب من البيت ولحظة الولادة، وعلاقته في الروحانيات مع النبي “ص” وكنا متخيلين إن هايجي خالد تاني يحررنا، لكن لم يتم هذا الموضوع.

علاء مرسي: قصرت مع أسرتي

وعبر علاء مرسي عن حزنه الشديد بسبب تقصيره مع أسرته، قائلًا: مكنتش بفسح ولادي ولا زوجتي حتى لو فاضي، عشان أنا قليل الخروج وبحكم مهنتي بعدت عن الأسرة إني أقوم بالواجب على أكمل وجه.

وتابع عن رفضه لأدوار الشرف، قائلًا: قولت مش هعمل ضيف شرف تاني، وكنت بروح عشان اقفل مع صحابي ومبياخدوش فلوس، وفي أعمال كتير اشتغلتها ببلاش حتى لو محتاج فلوس.

تصريحات أخرى لـ علاء مرسي

• ندمت على مشهد ماما حلوة عشان حصرني
• وكان لازم يحصل للشخصية دي استكمالًا
• وندمت على هذا النجاح لأن كان نفسي أعلى عليه وبشوفه نجاح مُعلق
• نكشت أحمد السقا في لقاء وعشان هو ابن اصول لاقيته تحت بيتي
• السقا قالي لو مزعلك في حاجة حاسبني لكن هي كانت قمصة منه
• السقا كان حبيب علاء ولي الدين جدًا وبيعشقه وخدت من علاء ولي الدين الغيرة دي في حب السقا 
• قولت ان السقا بيبقى ليه كلمة في إنه يقول الممثل ده يجي أو لأ
• اعتقد مبيتدخلش زيه زي هنيدي، والسقا عمره ما رشحني في حاجة بس أنا رشحته قبل كده في عمل
• السقا وباسم على قدر من الإنسانية واللي بينهم مجرد نقل كلام
• محمد رمضان ممثل موهوب ومهم ولو دماغه في حتة تانية أنا مليش دعوة
• أنا نمبر وان ده غلط، حتى عادل إمام مش نمبر وان