"الراجل مينفعش يتدلع زيادة عن اللزوم ولو كنت خلفت ولادي مكنوش هيعمروا".. تصريحات سلوى خطاب في كلام الناس

حلت الفنانة سلوى خطاب، ضيفة على برناج “كلام الناس”، الذي تقدمه الإعلامية ياسمين عز على شاشة mbc مصر، والتي كشفت خلاله عدد من التصريحات الجريئة، ويرصدها تحيا مصر في ذلك التقرير.

تصريحات سلوى خطاب في كلام الناس

• دخلت معهد الفنون المسرحية من ورا أهلى وأما عرفوا ادوني علقة موت.
• جدتي كانت بتقولي انت دخلتي مهد راقصات.
• كنت حاسة إن الفن دا العالم بتاعي من وأنا طفلة، وكنت بقعد مندمجة قدام التليفزيون.
• جدي كان سي السيد في البيت وعنده قرارات حازمة ولو كان عايش هو وبابا مكنتش عمري همثل.
• لما ببقى في عمل ببقى نفسي كل الناس كويسة، ومش بشغل دماغي بالتفاهات.
• لو محبتش الدور مش هعمله، ومبحبش أعمل حاجات أي كلام.
• مبهتمش بالتريند وكان يوم اسود يوم ما اخترعوه، المفروض نعيش كبني أدم طبيعي، مش ممكن كل الناس بتشتم في كل الناس.
• تريند انتش واجري مفهمتوش ومحبتهوش واحنا مش ناقصين حاجة مش فهمنها.
• كنت بدلع جوزي وبعمله كله حاجة بنفسي عشان عارفة أن الفنان لازم يدلع.
• بركز في شغلي بس ومعنديش حاجة اسمها نغير ومبخبيش حاجة عن حد وبقول أرائي في منتهى الصدق.
• مكنش عاجبني المجتمع كنت حاسة ان لو خلفت فيه كنت هتعب ومش بفهم يعني تربية حديثة والجو ده مش بتاعي.
• والست كل صفاتها حلوة ودي حقيقة هي حنونة وبتاخد بالها من ولادها وبتتفاني وبكلمة بتكون طايرة من الفرحة.
• الراجل الذكي اللي بيسعد الست اللي معاه عشان هي تسعده.
• لو كنت خلفت عيال مكنوش هيعمروا، ولأطفال بالنسبالي نقطة ضعف فازاي يطلعوا يمسعوا أنتش وأجري؟.

رسائل سلوى خطاب الصارمة لـ ياسمين عز

• خليكي شوية مع الستات عشان تبقى حلوة بلاش أرائك اللي مش مفهومة دي.
• حاصرة حياتك كلها في الرجل والمرأة ليه انتي كدة بتدخلي في ما لا يعنيكي.
• الست كل صفاتها حلوة ودي حقيقة انتي مالك بيها حنونة وبتاخد بالها من ولادها وبتتفاني وبكلمة بتكون طايرة من الفرحة.
• بكرة نشوفك متجرجرة من شعرك في الشوارع.
• العلاقة بين الراجل والست مينفعش يكون فيها عداء والرومانسية بتاعتك دي مش هتنفعك بحاجة.

أخر أعمال سلوى خطاب

من ناحية أخرى، كانت أخر أعمال الفنانة سلوى خطاب، مشاركتها في مسلسل “منورة بأهلها”، بجانب كلا من النجوم  باسم سمرة و ليلى علوي، غادة عادل، محمد حاتم، أحمد السعدني وناهد السباعي، وههو من تأليف أمين راضي وإخراج يسري نصر الله.