أنا طالع من بيت أمي على بيت شيرين وكنت بحاول أعالجها من المخدرات.. أبرز تصريحات حسام حبيب

خرج المطرب حسام حبيب لـ يدافع عن نفسه من الاتهامات التي وجهت له من قبل شقيق الفنانة شيرين عبد الوهاب وتسببه في إدمان الفنانة للمخدرات، وذلك من خلال مداخلة هاتفية مع الإعلامي عمرو أديب ببرنامج الحكاية، ويرصد تحيا مصر أبرز تلك التصريحات في تلك السطور.

تصريحات حسام حبيب مع عمرو أديب

• عيشت مع أمي لحد سن الـ 31  وأنا طالع من بيت أمي على بيت شيرين.
• أنا مش مدمن مخدرات، وبحاول أعالج شيرين من الحالة دي، وعلجتها واحنا متجوزين بس هما خدوها لسكة تانية تاني.
• مش بمدي ايدي على ستات مش على شيرين بس.
• في حوار المسدس أنا مكنش ينفع أمشي من البيت وأسيب مسدسي، فقالها كان رايح ياخد المسدس عشان يموتك بيه.
• شيرين عبد الوهاب كانت بتتاكل لما كنت بغفل عنها شوية صغيرين.
• لسة أنا وشيرين بنحب بعض وعارفين العلاقة دي مش ممكن تستمر عشان الأهل اللي حواليها.
•  كنت فاكر ان صداقة ياسمين رضا لـ شيرين دي مش صح، بس هي الوحيدة اللي كانت بتعيط على شيرين من قلبها.
• عمري ما خدت من شيرين جنيه، وكان هدفي اني أكبرلها فلوسها.
• قولت لـ شيرين عبد الوهاب لازم تفتحي حسابك وتأمني بناتك وعملتها وصية برة وعندها فلوس لبناتها برة.
• شيرين عبد الوهاب حاولت الانتحار في المستشفى، وكانت رافضة الأكل لمدة 3 أيام.
• عيطت أما شيرين حلقت شعرها وكنت في حالة ذهول وصدمة.
• شيرين بعد ما انفصلنا قالتلي عرفت قيمة كل اللي بتعمله معايا وهقف في ضهرك وأخليك أحسن من أي حد.
• بحب شيرين جدا وعمري ما قولت تصريح واحد ضدها، الست دي ليها عندي معزة خاصة.
•  أنا كان عندي فلوس أكتر منها بكتير من قبل ما نتجوزلأنها كانت منهوبة وأنا كنت العدو الأول لأي حد يعمل كدة.
• شيرين عبد الوهاب اتضربت واتسحلت من شعرها واترفع عليها مطاوي.
• كنا بنحب بعض أنا وشيرين ووالدتها وأخوها السبب في انفصلنا غصب عننا عن بعض.

أزمة شيرين عبد الوهاب

من ناحية، أخرى، كانت قد بدأت أزمة شيرين عبد الوهاب بـ الإعلان عن إصابتها بكسر في الرباط الصليبي ونقلها للمستشفى، بعدها بيوم انتشرت أنباء بتعرضها للضرب والسحل على يد شقيقها محمد عبد الوهاب، الذي أجبرها على الدخول لمستشفى الأمراض النفسية.

خرج شقيق شيرين لـ يبرأ  نفسه من التهم الموجهة ضده، فقال أن شقيقته تعاني الإدمان وكانت تتعاطى المخدرات رفقة طليقها حسام حبيب، لذا قام بأخذها للمستشفى، وساعد حسام حبيب على ذلك سارة الطباخ مديرة أعمالها سابقا.