هدى عمار: مفيش حد ليه دعوة أتجوزت كام مرة

تحدثت الفنانة هدى عمار عن أبنها وحياتها الشخصية، ورفضت هدى الكشف عن عدد مرات زواجها عندما سألتها الإعلامية ياسمين عز.

تحيا مصر يرصد لكم تصريحات الفنانة هدى عمار

وقالت هدى عمار خلال استضافتها في برنامج كلام الناس الذي يُعرض عبر قناة أم بي سي مصر في الساعة السادسة مساءً:مفيش حد ليه دعوة أنا أتجوزت كام مرة لكن أنا حاليًا مُطلقة.

وتابعت: أنا أطلقت من 8 سنين و كان أبني فارس عنده سنتين ومفيش ناس كتير في حياتي تعرف حاجة عن حياتي الشخصية.

وأضافت: أبني فارس هو أحلى حاجة في دنيتي ونور حياتي وعنده 11 سنة الطلاق  تم وابني عنده سنتين.

وقالت: مكنتش حابة أنشغل في حاجات تانية و السنين عدت والحب أعلى وأسمي بكتير وأنا مكنتش عايزة أسيب أبني وانشغل واتمنيت فارس من ربنا ومكنتش عايزة أقصر معاه .

واستكملت: أنا كنت مركزة مع ابني وسيبت شغلي وانا شغلي ومكانتي موجودة ومش غرور بس أنا بفرح لنجاح اي حد وانا كصوت مميز وفي ناس بتحب صوتي وبستنى اعمل حاجة ودي نعمة من ربنا حب الناس ليا .

وكشفت: كل الفنانين معاهم شركات إنتاج وبيشتغلوا بشكل مستمر وعارفين هيعملوا ايه كل فترة، لكن أنا حاليًا لوحدي ومش معايا حد ومفيش شركات انتاج دلوقتي وأنا لازم أعمل كل حاجة بنفسي.

هدى عمار: أنا رايقة وبحب أخطط لكل حاجة

واستطردت: انا لما بشوف حفلات وانا الأوبرا مكاني  وأنا عزفت وغنيت في الأوبرا وأنا مش بجري على حاجتي وعندي معادلة الرضا ومش بندم إني بعدت أبدًا والفنانين اللي بيطلعوا جديد  ده طبيعي بشوف كده بقول هي شاطرة  وأنا رايقة شوية وبحب اخطط لكل حاجة دائمًا.

خلاف هدى عمار مع نصر محروس

وكشفت هدى أنها ابتعدت عن الغناء لفترة طويلة بعد انتهاء شراكتها مع نصر محروس وسبق وعرض عليها تقدين أغاني شعبي ولكنها رفضا وقالت: سجلت 4 أغنيات مع نصر محروس لكن وقفنا وكنت بكلم نصر وأقوله هنعمل ايه وهو مش بيقولي، وعرض عليا أغني شعبي لكن رفضت أنا برفض أغني لون مش لوني.