بلاش نحاكمها بقسوة.. فريدة سيف النصر تعلق على أزمة شيرين عبد الوهاب الأخيرة

حرصت الفنانة فريدة سيف النصر التعليق على أزمة المطربة شيرين عبد الوهاب الأخيرة، ووجهت رسالة إلى كل من ينتقد أفعال شيرين، وذلك من خلال منشور لها عبر حسابها الشخصي على موقع التواصل الاجتماعي “فيسبوك”.

تحيا مصر يرصد تفاصيل تعليق الفنانة فريدة سيف النصر على أزمة شيرين عبد الوهاب الأخيرة

حيث كتبت فريدة سيف النصر: “بدل عنتر وعبلة .. حسام وهبلة ..الطيبة الزمان ده بتبقى هبل يا شيري.. المهم..خلصنا كلام ولا لسه علشان مامي تتكلم”.

تعليق فريدة سيف النصر على أزمة شيرين عبد الوهاب

وتابعت: “الهجوم زايد عن الحد من مطربات ممثلات معجبات يعني وكأن حياتهم كلهم مثالية.. الجميع عنده مشاكل وفيهم اللي انضرب واتشتم وخيانات ومشاكل مع الأهل عادي زي باقي البشر.. ده في حب بيقتل حبيبته اشمعني مركزين معاها”.

وأضافت: “طبعا كل ده غلط وأرفض عقوق الوالدين خاصة الأم عشقي أنا أمي.. وطبعا الاخوات مايتعوضوش.. لكن بين السطور وأدق التفاصيل حاجات مانعرفهاش ماشوفناش..هي فقط تعرفها”.

فريدة سيف النصر وأزمة شيرين عبد الوهاب

واستطردت: “الفرق بينها وبين غيرها أنها من غير فرامل.. اللي في قلبها وعقلها وكلها على لسانها هي كده واضحة .. بلاش نحاكمها بقسوة دي حياتها هي حاسبوها على فنها بس.. هي حد غلبان أوي عايز يحب ويتحب.. سيبوها ولو ربنا مش عايز ماكانوش اتجوزوا تاني”.

وعن الهجوم على شيرين عبد الوهاب في الإعلام قالت فريدة سيف النصر: “عيب بقى كل برنامج بمذيعاته جلد ونقد وكأنهم ملائكة عيب.. كفاية قنوات اليوتيوب السبوبة كل من هب ودب يسب الناس ربنا ينتقم منكم.. ولا المطربات الفاضلات كفاية بقي لحد كده اللي من هنا وهناك.. ده مش اسلوب محروقين اوي علي أهلها..طيب ظروفكم ايه مع اهاليكم انتم مااحنا مانعرفش. والله عالاقل هي اهلها شايلاهم بقالها كتير”.

وتابعت: "وبرضه تظل شيرين احلي صوت حساس..هي وانغام..المصريين الحيله..ايه الموضوع..امال ماهر كمان صوت قوي زي الحلو والحجار والناس القيمه دوول.شيرين سيبوها هي حاله خاصه كا صوت وشخصيه.شيرين تتجوز تتطلق ايه المشكله .هي في حالة عدم توازن بتحبه لكن مش ناسيه كلامه لها وقالته وربنا مابيسيبش لو مأذيه ربنا مش هايسيب حقها".