عاجل
الجمعة 02 ديسمبر 2022 الموافق 08 جمادى الأولى 1444
رئيس التحرير
عمرو الديب

مروة في دعوي نفقة " جوزي أتجوز عليا عشان خلفتي بنات وبعد ما جابلي ضرة جيبتله الولد "

الحاجة مروة
الحاجة مروة

" أتجوز عليا وكان العيب فيه هو بس مرضيتش أعايره " بتلك الكلمات روت الحاجة مروة في بث مباشر لتحيا مصر داخل محكمة الأسرة  عن زوجها الذي غدر بعشرته معها بعد أن أنجبت 5 بنات منه وهو كان ينتظر الولد ليشاء القدر وتنجب له الولد بعد أن يقرر الزواج عليها .

تحيا مصر

حكايتي بدأت من 30 سنة لما جوزي أتجوز عليا عشان نفسه في ولد 

بدأت الزوجة حديثها لتحيا مصر :" انا عندي 70 سنة وحكايتي بدأت من 30 سنة لما كنت عايشة مع جوزي وكان نفسه في ولد وأنا كنت جايباله 5 بنات راح أتجوز عليا وبالتحاليل والدكاترة كنت عارفة أن العيب فيه هو لأن الراجل هو المسؤول عن تحديد نوع المولود لكن هو أنكر ده وقالي العيب فيكي أنتي وأنا سكت وأستحملت عشان خاطر بناتي ".

بعد ما جابلي ضرة جيبتله الولد 

وتابعت :" جوزي بعد ما جابلي ضرة أول خلفة منها كانت ولد وأنا كمان يشاء القدر وأجيبله ولد في نفس الوقت لأني كنت لسة علي ذمته ومطلقنيش وكان لسة بيحصل بيننا علاقة حتي بعد ما أتجوز عليا ووقتها أثبتله أن العيب مكنش فيا أنا لكن هو وقتها فرح بيا وبمراته التانية كمان ومسابش واحدة فينا وقال زيادة الخير خيرين ".

أنا ست قوية والناس بتخاف مني رغم سني الكبير 

وأختتمت :" العيشة من غير راجل وخلفة البنات خليتني ست قوية والناس بتخاف مني وبتعملي ألف حساب واللي ييجي علي بناتي أدبحه أنا خسرت منهم بعد ما ماتت عشان الضغط علي عليها وعندي 3 بنات تانيين أتطلقوا والبنت الأخيرة لسة مشافتش دنيا أشتغلت عشانهم كل حاجة بيعت فاكهة و ساندويتشات وأشتغلت في حضانة لحد ما جالي الضغط والسكر ومبقيتش قادرة أشتغل وعشان كدة جيت المحكمة أرفع دعوي نفقة علي جوزي عشان يهتم بيا وببناتي اللي أتطلقوا زي ما بيهتم بمراته التانية ".

تابع موقع تحيا مصر علي