عاجل
الثلاثاء 29 نوفمبر 2022 الموافق 05 جمادى الأولى 1444
رئيس التحرير
عمرو الديب

راندا البحيري تنشر بوستر فيلمها الجديد "توكسيك"

تحيا مصر

نشرت الفنانة راندا البحيري البوستر الدعائي لفيملها الجديد توكسيك عبر حسابها بموقع التواصل الاجتماعي فيسبوك، والذي من المقرر طرحه خلال الفترة المقبلة.

تحيا مصر يرصد لكم ترويج راندا البحيري لفيلم توكسيك

فيلم توكسيك من بطولة راندا البحيري، عفاف مصطفى، عبد الرحيم حسن، أحمد الشربيني، نورشان عمر، وسيم الدقاق، والفيلم من تأليف چوزيف فوزي اخراج محب وديع.

أحداث فيلم توكسيك

فيلم توكسيك  تدور أحداثه في إطار اجتماعي تشويقي، حول العلاقات السامة في المجتمع والصراع بين الأمهات وبناتهن التي فاتها قطر الزواج.

راندا تعبر عن استائها من عدم دعوتها لمهرجان القاهرة

ومن جانب آخر كانت راندا البحيري قد أعربت عن استيائها من عدم دعوتها لحضور مهرجان القاهرة السينمائي وكتبت عبر حسابها بموقع فيسبوك: بحب بلدي وهفضل أحبها .. بلدي ماشية في دمي وجوا قلبي من سنوات وإلى الآن مثلت بطولات وأفلام كتير جداً، زمان بقى كنت أقرا دايماً مانشيت في مُعظم الجرايد والمجلات مكتوب ((غياب نجوم السينما عن مهرجان السينما)) وكنت بسمع بوداني إشادة بيا وبكام زميل يتعدوا على صوابع الإيد الواحدة.. اللي كنا بنروح سنوياً ندعم مهرجان بلدنا … من ((قلبنا)) و الدليل أنه من قلبنا أن مكانش فيه سوشيال ولا ترند ولا حاجة بتحصل أما بنحضر ولا مثلا بناخد فلوس ولا بناخد شهرة احنا بس بنروح علشان نقف جنب مهرجان بلدنا اللي كان دايماً بيتعمل في الاوبرا المصرية.

راندا البحيري: أنا عند نفسي كبيرة

وتابعت: وعلى الناحية التانية كان فيه ممثلين مبيروحوش مهرجان بلدهم ده وبيهتموا جداً بمهرجانات منافسة في بلاد معندهاش سينما بس علشان هياخدوا فلوس كتير لما يروحوا و كانوا بيروحوا جري وكنت برفض علشان بلدي، المهم .. ٢٠٠٤ .. ٢٠٠٥ ..٢٠٠٦ وهكذا وكتير أوي من السنين كنت منتظمة في الحضور والندوات وغيره.. لحد ما القائمين على المهرجان إتغيروا وهوب من ساعتها إتقطعت الأخبار والعنوان الحالي اللي هو نفسه العنوان القديم اللي كان بييجي عليه الدعوات لسه موجود ومبيجيبش عليه أي دعوات .. زي ما يكون حد جه تدخل ومسح اسمي من المدعويين.
وأضافت: عموماً هو ريحني من وجع قلب الماكياج والشعر واختيار فستان مناسب ولائق للحدث.. وبجد بجد أنا عند نفسي كبيرة أوي أوي وأي مكان مش عايزني هو اللي خسران والله هو اللي خسران مش أنا … و ده حصل من سنين كتير أوي وأنا عمري ما بروح مكان مش معزومه عليه ولا بروح مكان من غير دعوة علشان كده عمري ما هروح، والبوست ده مش علشان هم يعرفوا أن مبيجيليش دعوة لا البوست ده ردا على كل الناس اللي بتقول انت ليه مبتشتغليش أو ليه مش موجودة.. علشان الدنيا كده .. أنت لو مصاحب الكل ولذيذ وعسل هتبقى موجود ولو مش مصاحب الكل حقك هيتاخد.

واختتمت راندا: أنا كفاية عليّ اني عامله اكتر من ٥٠٠ عمل فني و ممكن اكتر  بين اقل من ١٠٠ فيلم سينمائي  و اكتر منهم مسلسلات اذاعية و تليفزيونيه و مسرح و مشاريع تخرج و دوبلاچ  مثلت كتير جدا. و مثلت ادوار كتير بجد التاريخ هيفتكرها
 

تابع موقع تحيا مصر علي