عاجل
الخميس 08 ديسمبر 2022 الموافق 14 جمادى الأولى 1444
رئيس التحرير
عمرو الديب

بدلًا من ميمي فؤاد.. أنباء عن تولي المنتج نبيل إدوارد إدارة أعمال شيرين عبد الوهاب

شيرين عبد الوهاب
شيرين عبد الوهاب

انتشرت خلال الساعات الماضية أنباء عن تولي المنتج الفني نبيل إدوارد إدارة أعمال الفنانة شيرين عبد الوهاب، وذلك خلفًا لـ ميمي فؤاد.

تحيا مصر يرصد لكم انباء تولي نبيل إدوارد إدارة اعمال شيرين عبد الوهاب

وكانت الفنانة شيرين عبد الوهاب أعلنت عودتها لحسام حبيب مرة أخرى كما طمأنت جمهورها على حالتها الصحية وقال شيرين خلال مداخلة هاتفية مع الغعلامي عمرو أديب: انا زي البمب وحلوة خالص، في حد يبقى بيحبه ناس كتير كدة وشعوب وأنا سعيدة بيكم وبدفى بيكم، أنا كويسة جدًا ولسه باخد العلاج النفسي اللي كنت باخده من ساعة ما خلفت مريم وهنا، وأنا الحمد لله وباين من صوتي، وأنا ممتنة جدًا للناس، انتوا تعبتوا فيا وتعبتوا عشان عمري ما هخذلكم أبدًا، وشكرًا لكل اللي قال كلمة حلوة وحتى اللي قال كلمة وحشة واللي قال كلمة وحشة أكيد عشان خايف عليا، وشكرًا إنك افتكرتني وخوفت عليا.

شيرين تعلن عودتها لـ حسام حبيب

وتابعت: تم بمشيئة الله كتب كتابي على الفنان حسام حبيب، امبارح الساعة 9 بالليل في حضور أقرب المقربين، وعايزة أعتذر لـ حسام عن أي كلام صدر مني، وعايزة أقول للناس ادعولي لأني مقدرش أعيش من غير رضاكوا، وعايزة أطمنهم عليا إني في عصمة راجل طيب جدًا، ولو في يوم من الأيام طلعت قُلت كلام عنه علشان هو كان مزعلني ده شيطان وبيحصل لكل الناس، وإحنا كان معمول لنا حاجة واتفكت بسلام، والحاجات دي مذكورة في القرآن ومفيش حد فينا معصوم من الخطأ، سيدنا محمد الناس اختلفت عليه مش كلهم اتفقوا عليه، وأنا حبي من الأول لـ حسام كان على المشاع، وأكيد لسة بحبه وأنا معرفش أحب بسهولة وأسيب بسهولة، وده حب حياتي، وأنا أوعد الناس إني في أمان علشان وسطكوا، ودايمًا الناس ضهر وحمى ليا، وحسام وعائلته ناس طيبين، وبوعد الناس كفاية أمور شخصية وأنا بقفل الصفحة دي، وبوعدهم بشغل جميل وأغاني حلوة، وأنا بعتذر لكل إنسان أنا زعلته في يوم من الأيام.

آخر أعمال شيرين عبد الوهاب

وكانت آخر أعمال الفنانة شيرين عبد الوهاب هي أغنية المترو والتي طرحتها عبر قناتها بموقع الفيديوهات يوتيوب.

كلمات أغنية المترو

في محطه المترو وانا ماشيه من يومين
انا شفت حد مش هشوفه مرتين
ضحكت عيونه ضحكه قولت قصدو مين
انا انا انا

بصيت شمالي وبعدها بصيت يمين
ومكنش فيه الا انا بس وجمبي اتنين
مبقتش عارفه هو يومها قصدو مين
يا دي يا دي يا انا

خد قلبي مني وخطفني خطفه
ولاقيتني طايره مع اني واقفه


ولاقيتني طايره مع اني واقفه
مبقتش فاهمه مبقتش عارفه
ده عمل فيه روحي وفي قلبي اي
قربلي خطوه وقالي فجأه اي النظام
دقات قلبي سريعه ومن غير انتظام
وضحكلي نفس الضحكه قولت خلاص تمام
كده انا انا

قبل اما نحكي وقبل ما نقول كلمتين
تلفونو رن استأذن وبعد خطوتين
في الزحمه تاه من قبل ما اعرف هو مين
كده كده كده

خد قلبي مني وخطفني خطفه
ولاقيتني طايره مع اني واقفه
خد قلبي مني وخطفني خطفه
ولاقيتني طايره مع اني واقفه

ده عمل في روحي وفي قلبي اي
في محطه المترو وانا ماشيه من يومين
خد قلبي مني
ضحكت عيونه ضحكه قولت قصدو مين
انا انا

 

تابع موقع تحيا مصر علي