خاص| تامر فرج: هعمل دور قهوجي في مسلسل رمضان كريم 2 ومراتي هي ضهري وسندي

كشف الفنان تامر فرج عن طبيعة دوره في مسلسل رمضان كريم الجزء الثاني والذي من المقرر عرضه في السباق الرمضاني الموسم المقبل، كما كشف عن تحضيره لمسرحية جديدة.

تحيا مصر يرصد لكم تصريحات الفنان تامر فرج
وقال تامر فرج في تصريح خاص لموقع تحيا مصر: كواليس مسلسل رمضان كريم الجزء الثاني ممتعة جدًا والعمل فيه حزمة كبيرة من الفنانين اللي بحبهم زي بيومي فؤاد، وسيد رجب، وسلوى خطاب، وصبري فواز.

تامر فرج: هعمل دور قهوجي في مسلسل رمضان كريم 2

وتابع: أنا هعمل دور مختلف خالص وهو أبن بلد وهيبقى اللوك مختلف والإداء، لاني هعمل دور قهوجي وماشي أشوف المشاريب للفنانين في المسلسل طول الوقت.

تامر فرج يشارك في مسرحية كان مستخبلنا فين

كما كشف تامر أنه يستعد الفترة الحالية لتقديم مسرحية جديدة وتأتي باسم كان مستخبلنا فين وقال تامر: داخل مسرحية للمرة الثانية بمسرح الدولة وهي مسرحية كان مستخبلنا فين على المسرح القومي مع استاذ ياسر الطوبجي مدير المسرح ومعايا هشام اسماعيل ومدحت تيخا.

وأضاف: هي مسرحية حلوة جدًا هتعجبكوا لأنها من تراث الريحاني وبديع خيري ومعمولة بشكل موديرن وجديد.

تامر فرج: مراتي ضهري وسندي وباخد رأيها في كل حاجة

كما تحدث تامر فرج عن زوجته ودورها الكبير في مشواره الفني وعن ابنائه وقال تامر: مراتي هي ضهري وسندي وباخد رأيها في كل حاجة، وكمان باخد رأي نادين بنتي وعلي ابني لأنهم بيكون عندهم رؤية كشباب.

وكشف تام فرج أنه عمل كمرشد سياحي لمدة 15 عام وقال: أنا اشتغلت 15 سنة مرشد سياحي مع السياح الفرنسين وتوغلت  بشدة في الثقافة الفرنسية وكان لازم أحضر مهرجان مهم زي ده.
كما تحدث تامر عن حبه للسينما والدراما بنفس القدر واصفًا السينما باأم والدراما بالأب وقال تامر:السينما الأم والدراما الأب مقدرش  اقول بحب انهي أكتر لأن كل واحدة فيهم ليها ثقافة ووجدان مختلف، يمكن بعض الناس يعتقدوا أن كله تمثيل لكن السينما كانت بتتميز عن الدراما لأنها ذاكرة الفن، ودايما تلاقي أن ذاكرة الفن محموله في السينما لأن معندناش مسلسلات كتير، لكن مع المنصات والسيديهات والفلاشات بقى  عندنا امكانية نحفظ المسلسلات عشان تصبح  الثقافة في الفترة اللي جاية في ذاكرة الفن في السينما والتليفزيون.