عاجل
الثلاثاء 31 يناير 2023 الموافق 09 رجب 1444
رئيس التحرير
عمرو الديب

جليلة محمود: ابني مات بسبب الحسد وجوزي شرط عليا معملش إي دور تُسئ ليه

جليلة محمود
جليلة محمود

كشفت الفنانة جليلة محمود عن بدايتها الفنية والشروط التي وضعها لها زوجها من اجل الاستكمال في المجال الفني، كما تحدثت عن قصة وفاة ابنها بسبب الحسد.

تحيا مصر يرصد لكم تصريحات الفنانة جليلة محمود

وقالت جليلة خلال استضافتها في برنامج كلام الناس التي تقدمه الإعلامية ياسمين عز عبر قناة ام بي سي: اتجوزت بعد المعهد على طول وكنت عايزة أسرة وعيلة وأنا اتعينت في المسرح واشتطرت على جوزي إني أكمل تمثيل وهو كان بيحبني، بس هو شرط عليا معملش إي دور إساءة ليه أو ليا سواء بكلام أو فعل.

وأضافت: اشتغلت مع كبار المخرجين والمؤلفين والمصولاين وانا بفخر إني عشت في الزمن ده ولو عيشت مية مرة مش هيبقى زي الزمن اللي عيشه، واستمر العمل.

وتابعت: لم أعتزل ولكني اختفيت وقت أزمة كورونا، خوفًا من المرض ودخول المستشفى، مشيرة إلى أن مشاركتها في الأعمال الفنية بدأت تقل نوعًا ما بعد الثورة، رغم فترة الاختفاء فإنني لم أنس جمهوري ولا الفن أو أعمالي.

جليلة محمود: كنا بنخاف من الفنانة فردوس عبد الحميد

واستكملت:انا عاصرت الاستاذ محمد فاضل وهو مكنش بيفرق لكن في النوة كانت فردوس عبد الحميد البطلة وكنا بنخاف منها ونحترمها وشايفين أن هو بيهتم بيها اكتر لكن لما بتشوفي العمل بعد كده بتشوفي ان العمل نجح بينا كلنا

جليلة محمود: ابني مات بسبب الحسد

وكشفت جليلة أنها تؤمن بالحسد تخاف منه قائلة بأنها فقدت أبنها بسبب الحسد وقالت: أنا مش عايزة حد يشوف لادي تاني لأن أنا أبني راح بسبب الحسد وأنا موجوعة من سنين من ساعة ما فقدت أبني.

وأضافت: الحسد في كلمة، وكان لما حد يسألني كنت بقول عندي تلت صبيان وبنت وواحد رد عليا في مرة وقال ما أنتي اللي زيك يجيب صبيان وبعدها التليفون جه بوفاة أبني وكان عنده 18 سنة في كلية تجارة وراح وانا مش بحب حد يكلمني عن ولادي ولا بحب انزل صور لولادي.

واستطردت: الحسد مذكور في القرآن وكنت مش عارفة في الأول وفرحانه بولادي لكن بدعي ربنا ميوجعنيش تاني ولا يوجعهم لأن دي أصعب حاجة ممكن تمر الوحدة بيها .

وتابعت: انا بعتبر أن حياتي مش ملكي هي ملك ولادي وأي كلمة هقولها لازم اقول الله اكبر لاني خايفة من البصه عشان ولادي لكن اتصابت.

وكشفت: الشخص اللي حسد ابني كان معايا في مسرح واتوفي وفيفي عبده كانت موجودة ولما سمعت الشخص ده بيتكلم عن ولادي بصتلي وحست أن  ده كان هيحصل، وأنا مكنتش أعرف أن الشخص ده عينه وحشة.
 

تابع موقع تحيا مصر علي