عمر كمال عبر انستجرام: صباح الفل على حبايبي في كل حتة

وجه مطرب المهرجانات الشعبية عمر كمال رسالة صباحية لجمهوره، وذلك في أحدث ظهور له بحسابه الرسمي في انستجرام.

تحيا مصر يرصد لكم أحدث ظهور لعمر كمال

ونشر عمر كمال صورة جديدة له عبر انستجرام، وعلق: صباح الفل على كل حبايبي في كل حتة. 

ويذكر، أن وجه عمر كمال رسالة لـ منتقديه ومهاجميه عبر حساباته الرسمية بمواقع التواصل الإجتماعي مختلفة، مشيرا إلى أنه سيعمل الفترة المقبلة على ارضائهم بأعماله الفنية الهادفة.

عمر كمال يرد على منتقديه 

كتب عمر كمال عبر حسابه الرسمي بموقع التواصل الإجتماعي “فيسبوك”: أنا عندى ١١ مليون أخ وأخت على الصفحة ديه جمعتهم فعلا بتعب على مدار سنين بأغاني حلوة و بأفراح وحفلات وسفر وحلمت انى أوصلهم .. فيه منهم كتير بيحبوني ومنهم كتير بينتقضونى ف الكومنتات ويشتموني.

وتابع حديثه قائلا: انا مش زعلان منهم وممكن يكون انا السبب لانى عملت حاجات ف أول طريقى المفروض معملهاش بس يمكن عملتها عشم فيكم أنكم تفرحوا معايا بيها معرفش انها ممكن تزعلكم  وفيه أشاعات طلعت انا مليش ذنب فيها .. بس بقالى فترة مركز ف الشغل وبس والأيام الجاية أو كل اللى جاى مش هتسمعونى أو هتشوفونى غير ف شغل وبس .. واغانى كويسة محترمة تليق بيكم .. ربنا يعلم انا بحبكم من قلبى ونفسى تحبوني زى ما انا بحبكم.

أخر أعمال عمر كمال الغنائية 

من ناحية أخرى، كان قد تألق  عمر كمال في أغنيته الشهيرة “سهرانين” التي حققت ملايين المشاهدات بعد أيام من طرحها على موقع الفيديوهات الشهير يوتيوب، واتت كلماتها: بقى ده إسمه كلام بقى حد يسيب القعدة الحلوة دي ويقول سلام بقى ده إسمه كلام ده احنا ما صدقنا نشوف بعض تقوم نمشي قوام ده السهرة يا دوب لسه بتبدأ والجو يا روحي عليه يخلي اللي مانمش بقاله أسبوع يسهر ما ينام تمشي تروح فين خلينا سهرانين ده الجو جميل والناس كلها صاحيين مستعجل ليه، هو احنا ورانا إيه ده الليل لسه في أوله، أوله والناس كلها صاحيين تمشي تروح فين خلينا سهرانين ده الجو جميل والناس كلها صاحيين آه مستعجل ليه، هو احنا ورانا إيه ده الليل لسه في أوله، أوله والناس كلها صاحيين لالا، لالالا مبسوطين ومفرفشين ومزاجنا مية فل ورايقين تمشي ليه ورانا إيه مع بعضنا متونسين؟.