جهل مني وأنا كنت بعمل حاجات مش كويسة.. عمر كمال يعلق على أزمة إيقافه وتغريمه

علق مطرب المهرجانات الشعبية عمر كمال على أزمة إيقافه وتغريمه من قبل نقابة المهن الموسيقية برئاسة الفنان مصطفى كامل بعد غنائه خارج مصر دون تصريح.

تحيا مصر يرصد تعليق عمر كمال على أزمة إيقافه. 

تصريحات عمر كمال 

وقال عمر كمال خلال مداخلة هاتفية في برنامج كلمة أخيرة الذي تقدمه الإعلامية لميس الحديدي: لما مضينا على الإقرارات الجديدة بعد تولي النقيب مصطفى كامل مضيت بالفعل على البند، لكن سافرت من غير تصريح بجهل مني وربنا كان كارمني بكذا حفلة وكانت جولة غنائية من 5 حفلات في دول منها قطر ودبي وهولندا وبرشلونة وماخدتش جوابات.

وتابع: روحت النهاردة لقيت إيقاف أسبوع وغرامة 100 ألف جنيه، وكنت أجهل تفعيل البند الذي وقعت عليه في الإقرارات وبعد التحقيق تم تخفيف العقوبة إلى غرامة 50 ألف جنيه.

وأضاف: بطلت الحوارات بتاعت زمان كنت بعمل حاجات مش كويسة على السوشيال ميديا لما حد يعمل بث أعمل بث قبله أرد عليه وحصلي مشاكل، لكن الواحد عقل ونضج وبقيت بطور من نفسي.

بيان نقابة المهن الموسيقية

وقالت نقابة المهن الموسيقية في بيان رسمي لها: قرار إيقاف للمطرب عمر محمد كمال محمود ”عمر كمال"، قررت نقابة المهن الموسيقية وقف التصريح السنوي للعضو عمر محمد كمال، لحين التحقيق معه.

آخر اعمال عمر كمال

الجدير بالذكر أن آخر أعمال عمر كمال، كان فيديو كليب خلينا سهرانين، والذي كان من كلمات وألحان عمرو قطب، وتوزيع وسام عبدالمنعم. الأغنية من كلمات عمرو القاضي ومن توزيع شيبسي، وتم تسجيلها داخل أحد الأستديوهات الخاصة.

كلمات أغنية خلينا سهرانين

بقى ده إسمه كلام
بقى حد يسيب القعدة الحلوة دي ويقول سلام
بقى ده إسمه كلام
ده احنا ما صدقنا نشوف بعض تقوم نمشي قوام
ده السهرة يا دوب لسه بتبدأ والجو يا روحي عليه
يخلي اللي مانمش بقاله أسبوع يسهر ما ينام
تمشي تروح فين خلينا سهرانين
ده الجو جميل والناس كلها صاحيين
مستعجل ليه، هو احنا ورانا إيه
ده الليل لسه في أوله، أوله والناس كلها صاحيين
تمشي تروح فين خلينا سهرانين
ده الجو جميل والناس كلها صاحيين آه
مستعجل ليه، هو احنا ورانا إيه
ده الليل لسه في أوله، أوله والناس كلها صاحيين
لالا، لالالا

مبسوطين ومفرفشين ومزاجنا مية فل ورايقين
تمشي ليه ورانا إيه مع بعضنا متونسين؟
مبسوطين ومفرفشين ومزاجنا مية فل ورايقين
تمشي ليه طب ورانا إيه مع بعضنا متونسين؟
ولا أشغل لك حبيبتك تنسجم وتروق معاها
من زمان مزجانجي عارفك بتعشق الست وغناها
يلا نعيش في عيون الليل
يلا نعيش في عيون الليل ونقول للشمس
تعالي، تعالي يا شمس تعالي
بعد سنة، مش قبل سنة
تمشي تروح فين خلينا سهرانين
ده الجو جميل والناس كلها صاحيين
مستعجل ليه، هو احنا ورانا إيه
ده الليل لسه في أوله، أوله والناس كلها صاحيين
تمشي تروح فين خلينا سهرانين
ده الجو جميل والناس كلها صاحيين آه
مستعجل ليه، هو احنا ورانا إيه
ده الليل لسه في أوله، أوله والناس كلها صاحيين