ياسمين عز: هدفي من البرنامج عمار البيوت والرجالة تتشال على الرموش والاهداب

كشفت الإعلامية ياسمين عز أن هدفها من البرنامج هو عمار البيوت، كما وجهت رسالة لمروجي شائعات وقف برنامجها.

تحيا مصر يرصد لكم تصريحات ياسمين عز

وقالت ياسمين عز خلال برنامجها كلام الناس الذي يُعرض عبر قناة أم بي سي مصر: الحمد لله ان الرسالة وصلت وهدفنا لعمار البيوت والاسرة المصرية حسيتوا بيه ودايما بنسعى للخير ونحب الخير للناس  واللي بنقوله على الشاشة بنعمله مفيش اي تمثيل.

وتابعت: راجعوا الحلقات هتلاقيني مقولتش لفظ تحريضي او تسخيني من الراجل لمراته دايمًا بقول للست دلعي جوزك واي كلام محرف مليش دعوة بيها.

ياسمين عز: الرجالة تتشال على الرموش والاهداب

وأضافت: رجالة كتير دافعوا عني واللي دافع عني ده جوزك واخوكي وابوكي اللي دافع عني وميعرفنيش تخيلي النخوة والشهامة ده مش تحطيه في عينك ده تشيليه على الرموش والاهداب فوق العين وجوا العيون.

ياسمين عز: لو مش بتقدروا على غيابنا  هجيكلوا 7 ايام على رموش عيني

وتابعت: لو مش بتقدروا على غيابنا هنكلم الإدارة نزود عدد الإيام وهجيكلوا 7 ايام على رموش عيني، لما تبقوا عايزين تتسلوا نتسلى مع بعض ليه بتيجوا في ايام الاجازة تتسلوا لوحدكوا.

واستكملت: اجازتنا الاتنين والتلات والاربع وافتكروها أن الراجل يتجوز اتنين وتلاته وأربعة.

ياسمين عز: افرحي بجوزك انتي معاكي حتة آثار

وقالت ياسمين خلال برنامجها كلام الناس الذي يعرض عبر قناة أم بي سي مصر: افرحي بجوزك الراجل المصري العظيم الراجل عملة نادرة في الزمن ده وميتقدرش بكنوز انتي معاكي حته اثار نادرة حافظي عليها انتي بتكملي تحفه ويا بختنا كمصريات برجلتنا المصرية.

ياسمين عز: هعمل مطبخ وتسريحة فب البرنامج عشان عيون الراجل المصري

في الموسم الجديد هعمل مطبخ عشان نعلم السيدات يعملوا احلى الاكلات للرجالة الشقيانه طول اليوم ويلاقوا اكل يغذيه وتأكليه أحلى أكل وهعمل تسريحة عشان تتعلموا ازاي تتزينوا عشان لما جوزك يرجع يلاقيكي قمر وريحتك حلوة.

وسبق وانتشرت شائعات عبر مواقع التواصل الاجتماعي عن وقف برنامج كلام الناس التي تقدمه الغعلامية ياسمين عز ولكنها خرجت وكذب كل هذه الشائعات.