عمر كمال: ملحقتش أعيش مع أبويا.. وهو مات في الشغل بسكتة قلبية

تحدث المطرب الشعبي عمر كمال عن علاقته بوالده الراحل، وذلك خلال حواره في كواليس برنامج “حبر سري” مع المذيعة أسما إبراهيم على شاشة تلفزيون قناة “القاهرة والناس”.

تحيا مصر يرصد تفاصيل تصريحات عمر كمال

حيث قال عمر كمال: “مفيش صورة ليا مع والدي عشان ملحقتش أعيش معاه، مات وأنا صغير، وبعدين أنا طول عمري كنت شغال”.

وتابع: “من صغري شقيان فأبويا دا مكنتش بشوفه غير على النوم، أنا أرجع وأبويا نايم عشان يصحى ٦ الصبح، كان شغال لحام، وكان بيرجع وشه أحمر جدا من الشمس، هو مات في الشغل بسكتة قلبية وليا الشرف وملحقتش أخد من حنيته كتير”.

عمر كمال يدعم مستشفى 57357

جدير بالذكر، أن خرج عمر كمال لـ دعم مستشفى 57357، وذلك بعد أزمتها التي تمر بها من تهديد بالغلق وعدم استقبال حالات جديدة بسبب نقص التبرعات القائمة عليها، وقال عمر كمال في فيديو نشره عبر موقع انستجرام: أنا شوفت مباردة الفنان عمرو يوسف عن مستشفى 57357، أنا مكنتش أعرف ان المستشفى لقدر الله تتقفل أو تفلس وميكنش عندها قدرة انها تعالج الناس، أنا عارفة إن الدنيا مزنقة علينا كلنا وممكن يكون معاك فلوس وبردو الدنيا تزنق عليا،  أنا واحد من الناس اللي قررت أروح أفرح الأطفال اللي هناك واللي ربنا يقدرني عليه هتبرع بيه وإن شاءالله ربنا يجعلنا سند لبعض وياريت كل الفنانين زملائي يعملوا كدة لأن البلد دي خيرها علينا كلنا ودي كمان حاجة لله، وشكرا للفنان عمرو يوسف اللي نبهنا لـ حاجة زي دي.

أخر أعمال عمر كمال

الجدير بالذكر أن آخر أعمال عمر كمال، كان فيديو كليب خلينا سهرانين، والذي كان من كلمات وألحان عمرو قطب، وتوزيع وسام عبدالمنعم. الأغنية من كلمات عمرو القاضي ومن توزيع شيبسي، وتم تسجيلها داخل أحد الأستديوهات الخاصة، وتقول كلماتها:

بقى ده إسمه كلام
بقى حد يسيب القعدة الحلوة دي ويقول سلام
بقى ده إسمه كلام
ده احنا ما صدقنا نشوف بعض تقوم نمشي قوام
ده السهرة يا دوب لسه بتبدأ والجو يا روحي عليه
يخلي اللي مانمش بقاله أسبوع يسهر ما ينام
تمشي تروح فين خلينا سهرانين
ده الجو جميل والناس كلها صاحيين
مستعجل ليه، هو احنا ورانا إيه
ده الليل لسه في أوله، أوله والناس كلها صاحيين
تمشي تروح فين خلينا سهرانين
ده الجو جميل والناس كلها صاحيين آه
مستعجل ليه، هو احنا ورانا إيه
ده الليل لسه في أوله، أوله والناس كلها صاحيين
لالا، لالالا