ياسمين عز: جورجينا كانت بتبيع شنط واستخدمت صوتها الشتوي عشان توقع كريستيانو في حبها

كشفت الإعلامية ياسمين عز أن جورجينا كانت تستخدم صوتها الشتوي من اجل إيقاع كريستيانو رونالدو في حبها عندما كانت تعمل كبائعة شنط.

تحيا مصر يرصد لكم تصريحات ياسمين عز

وقالت جوروجينا خلال برنامجها كلام الناس الذي يعرض عبر قناة أم بي سي مصر: جورجينا كانت بتبيع شنط وكريستيانو راح يشتري منها شنطة واستعملت الصوت الشتوي والعيون الشتوية واتمسكنت عليه وحبها.

وأضافت: اما شوفت هدية جوروجينا لكريستيانو زعلت على الراجل المصري الفرعون

ياسمين عز: الزوجه المصرية بتخبي الشامبو والبلسم من جوزها 

وتابعت: الزوجه المصرية بتخبي الشامبو والبلسم من جوزها وبتسيبله صابونة مكسرة وبايشه
وكشفت ياسمين: ناس كتير مراتهم مش بتجبلهم هدية بدون مناسبة لازم يبقى  في مناسبة أنتي أحسن من بتوع بره،  خدي فلوس من جوزك وهاتيله هدية حتى لو شامبو أو باكو لبان.

ياسمين عز: جوجل ميعرفش الصوت الشتوي والصيفي

وقالت ياسمين عز في برنامجها كلام الناس الذي يعرض عبر قناة ام بي سي مصر: المعلومه تاخدها مني ومترجعش ورايا انا اقولك معلومه ومع احترامي لجوجل واتحدى جوجل انه ميعرفش الصوت الشتوي والصيفي وخد المعلومه من كلام الناس مش من جوجل، وكلامي بيوصل لجوروجينا والست بقالها اسبوعين مجرد ما اقولها الكلمتين بتنفذهم وانا بحب الستات اللي بتسمع الكلام، جورجينا بدات تهتم بالعيال وأبوهم وبتلمهم بس ملهوش لازمه الشو، داري على شمعتك تقيد ومعرفش ليه جورجينا مش بتتعلم من انتونيلا.

ياسمين عز تعلق على هدية جورجينا لـ كريستيانو رونالدو

وعلقت  ياسمين عز على هدية جورجينا لكريستيانو وقالت: مش عايزة جورجينا تزعل مني انتي غلطتي تلت غلطات كارثية وارجوكي خدي بالك احنا بنقنعه يتجوزك ومفيش فايدة، وأول غلطه هي جوزك واقف قدامك مينفعش تديله انتباه وشايل بنته وركبتي العربية قبله كانك محرومه وهو مهنيكي ومركبك عربيات فضائية،  تاني غلطه لما ادتيله ضهرك في بنت شعرها نحاسي جميلة كان ممكن تبصله بصة إعجاب ومتعرفش كان هيشعر بالنظرة دي والشعر النحاسي ده ايه، و كريستيانو وهو شايل بنته هي لابسه فستان موف واسع عليها والبنت التانيه شعرها مزيت على وشها ومش ملموم.