محمد رمضان: لو اتعرض عليا عبده موتة تاني مستحيل أعمله إلا في هذه الحالة

تحدث الفنان محمد رمضان عن إمكانية إعادة مشاركته في فيلم عبده موتة مرة أخرى، وذلك خلال لقائه ببرنامج معكم منى الشاذلي. 

تحيا مصر يرصد لكم تصريحات محمد رمضان  في معكم

محمد رمضان: مستحيل أعمل عبده موته تاني 

وقال محمد رمضان: عبده موته أنا كنت ٢٤ سنة، مستحيل اعمله زي ما الناس شافته وان عقلي بقى أنضج وعندي رؤية أشمل. 

وتابع: وعبده موته مكنتش عارف ان هيشوفوا كم الناس دي وهيكسر السينما وانا عارف ان في جمهور كتير بيشوفني وبأثر في جيل وكنت هعمل نفس القصة بس بطريقة تانية، وانا مطلعتوش منتصر هو في الاخر اتعدم.

محمد رمضان وملابسه الغريبة  

وفي الحلقة ذاتها تحدث محمد رمضان عن ملابسه الغريبة التي يظهر بها في بعض الحفلات والمؤتمرات، وقال: اللبس ده مش في الحقيقة، ده على الاستيدج والحفلات بتتطلب ده عشان يبقى في بهرجة وشو وأنا في الحقيقة بلبس بسيط.

وتابع: لبسي شبه كل الشباب، ومعايا تيم واشتغلت مع استايلستس كتير، وفي مثل بيقول كل ما يعجبك والبس ما يعجب الناس، ولما مثلا بروح افريقيا بيلبسني استايلست نيجيري، ولو في المغرب يبقى الاستايلست مغربي، وبيحصل اختلاط ساعات.. ولو في امريكا هلبس باستايلهم هناك عشان ميبانش في فجوة.

محمد رمضان ومحمود رمضان 

وعن موقف جمعه بشقيقه محمود رمضان بسبب الملابس الغريبة، قال: اغرب حاجة لبستها كان عندي مؤتمر وفيه افارقة كتير وقولت للستايلست عايز لبس يحسس إن الافارقة انا منهم.. عملي بدلة تجار الألماظ بتاعت السنغاليين ومحمود رمضان قالي لو لبستها هتبقى انت لا اخويا ولا اعرفك.

وتابع: بس روحت ومحمود مش قادر يشوفني طول الايفنت، وبيبقى في استراتيجي الجمهور ميفهمهاش.

أزمة محمد رمضان بسبب مسلسل العمدة 

ومن ناحية أخرى، يحرص محمد رمضان دائما على مشاركة الجمهور كواليس تصويره للعمل بجانب باقي الأبطال، لكنه سبق وتعرض للهجوم في الفترة الأخيرة بسبب أحد الفيديوهات الذي شاركها على حساباته الرسمية بمواقع التواصل الإجتماعي المختلفة، اذ ظهر خلاله وهو يضرب الكومبارس، وعلق محمد رمضان على الفيديو قائلا: جعفر العمدة بيصبح و بيقولكم رمضان يجمعنا و العمدة يدلعنا وعلى رأي صاحب الحساب ثقة في الله نجاح.