عمر كمال: الحبل متساب لمغنيين الراب وهاني شاكر مكنش فاضي لينا

تحدث مطرب المهرجانات عمر كمال عن رأيه في أغاني الراب، كما تحدث كمال عن الفرق بين مجلس نقابة المهن الموسيقية القديم برئاسة هاني شاكر والحديث برئاسة مصطفى كامل.

تحيا مصر يرصد لكم تصريحات عمر كمال

وقال عمر كمال خلال استضافته في برنامج حبر سري التي تقدمه الإعلامية أسماء إبراهيم ويعرض عبر قناة القاهرة والناس: المهرجانات عامله تريندات والمهرجانات مكسره الدنيا والسبب في تريند الراب ان بتوع المهرجانات اتوفقوا سنين والحبل متساب للراب.

وكشف عمر كمال: بعت العربية اللي جاتلي هدية عشان خدت عين وعملت بفلوسها حاجات  لنفسي وساعدت غيري

عمر كمال:هاني شاكر مكنش متفرغ لينا

وتحدث عن نقابة المهن الموسيقية وقال عمر:هاني شاكر مكنش متفرغ لينا ومكنش بيرد علينا، و الفرق بين مجلس النقابة السابق والحالي أننا بنعرف نتكلم ونوصل وجهة نظرنا.

وتابع: مجلس النقابة الحالي بنعرف نتكلم معاه ونوصل وجهة نظرنا وبتصل بمصطفى كامل وبعرف اوصله  وبقوله مشاكلي لكن هاني شاكر مكنش فاضي لينا.

عمر كمال: عمرو دياب  يعمل اللي هو عايزه ولازم نشيله من كل المقارنات

وتحدث عمر كمال عن الفنان عمرو دياب وعن قيامه بحذف جميع أغانيه من قناته على يوتيوب ونقلها عبر منصة استماعية وقال: عمرو دياب يعمل اللي هو عايزه ولازم نشيله من كل المقارنات.

أغنية هجوم فجائي

وطرح عمر كمال خلال الساعات الأخيرة الماضية أغنية هجوم فجائي بالاشتراك مع المطرب الشعبي أحمد شيبة وذلك عبر قناته بموقع اليوتيوب.

كلمات الاغنية

طول ما رب الكون ف عونى
هعيش وأموت ثابت وتد
لا هتعرفوا يوم تكسروني
ولا هتشفوني فى يوم هدد
بتكعبلوني وتوقعوني
وفى كل مرة بقوم أسد
أحذروا من هدوئى
وصمتي وأختفائي
أنا زي الديب بنام
جهزلي هجوم فجائي
اسيب الكل يلعب
أفضي ليكوا الملعب
وأول ما أنول ألعب
بلعم على أعدائي
بغيب بغيب وبرجع
بسهم يصيب ويوجع
وبضربة وحدة أوقع
اللى عشوها فى غيابي
بتفرج واقعد أسمع
وأسيب الكل يطمع
ومن عريري بطلع
وأكشر عن نيابي
أنا أسوق وكله يخدها جري
أنا فعل وانتوا كلامو هري
لو فاكرين ان لحمي ني
طب سدوا معايا ف اللى جاي
أنا أسوق وكله يخدها جري
أنا فعل وانتوا كلامو هري
لو فاكرين ان لحمي ني
طب سدوا معايا ف اللى جاااي
بغيب بغيب وبرجع
بسهم يصيب ويوجع
وبضربة وحدة أوقع
اللى عشوها فى غيابي
بتفرج واقعد أسمع
وأسيب الكل يطمع
ومن عريري بطلع
وأكشر عن نيابي