صوتي شتوي ومفيش مشكلة الست تدي مفتاح شقتها لحماتها.. أبرز تصريحات فيفي عبده في كلام الناس

فجرت الفنانة المصرية فيفي عبده عدد من التصريحات الجريئة خلال لقائها مع الإعلامية ياسمين عز في برنامجها «كلام الناس» المذاع عبر قناة Mbc مصر الفضائية.

ويرصدها تحيا مصر خلال السطور التالية:

تصريحات فيفي عبده في كلام الناس

بظهر على إنستجرام بدون مكياج لأن عندي ثقة بالنفس والناس بتقول دي عبده طيب فين فيفي

السنة دي بالنسبة ليا كان مرها أكتر لأن فيه أختين ليا ماتوا في نفس السنة

وأتمنى السنة دي أكون مبسوطة وأطلع للناس زي ما كنت بطلع

مش عارفة ايه اللي حصل ليا حسدوني كل ما اخرج خروجة ارجع أنام جنبها عشرين يوم

أي زوج اتجوزته كانت أمه تاج على رأسي

مفيش مشكلة لما الست تدي مفتاح شقتها لحماتها طالمة عايشة بنية كويسة ومحافظة

كده الحماة بتاخد انطباع حلو عن مرات ابنها ولو كل بنت رضت حماتها بتاخد ثواب

عشان تعرفي الراجل البخيل من السخي العبي معاه كوتشينة على فلوس.. لو اتنرفز واضايق لما يخسر يبقى بخيل

قولت لجوزي طلقني علشان على صوته عليا قدام الناس

ولما رفض خليته يعتذرلي قدامهم

تحدثت الفنانة فيفي عبده، عن سر حب الجمهور لها، وعن مسرحية حزمني يا التي حققت نجاحًا كبيرًا من خلالها وسبب في ظهورها وشهرتها.

وقالت فيفي عبده خلال استضافتها في برنامج صباح العربية: سر حب الناس ليا هو التجارة مع الله، وده حب من الله وحب أمي وأبويا وأنا طول عمري تحت جزمتهم، وكل الناس بتحبني حتى الأطفال، وعندي حفيدي سنتين ونص مش بيقول غير عاوز فيفي عبده ويمسك الصورة ويبوسها، أنا هتجنن نفسي أعرف ليه بيحبوني الحب ده؟ أي بيت متفق على حب فيفي عبده، وسعادتي لا توصف وأنا بشوف الأطفال جايين يجروا عليا وعاملين علامة الـ 5.

فيفي عبده: الجمهور لما بيسمع صوتي بيعرفني لأن صوتي مميز

وتحدثت عن موسم الرياض وقالت: أنا بسمع عن موسم الرياض، ومكنتش متخيلة إن المستشار تركي آل الشيخ عامل الحاجات اللي موجودة، أنا تمنيت إن العالم كله يجي يشوف الرياض، وأنا بحب الشعب السعودي، وأتمنى إني أعمل مسرحية في موسم الرياض، والجمهور مجرد ما بيسمع صوتي بيعرفني لأن صوتي مميز.

فيفي عبده: أنا أول حد دخل سناب شات من مصر وخدت عين بعدها

وكشفت فيفي: حاولت أدخل العالم العربي مع مصر في سناب شات وبطلع فيديو كل يوم واعرفهم انا بعمل ايه وجمعت العالم العربي وبعدين خدت عين وخدت عين وفضلت 3 سنين عيانة.

كما كشفت فيفي عن سر جملة 5 أمواه التي اشتهرت بها وقالت: كنت بقول لبنتي اعملي 5 أموه للفانز بتوعي وبنتي خريجة الجامعة الامريكية وبجيبلها مدرس عربي عشان كلامها العربي مكسر، ومن ساعتها اتشهرت بالكلمة دي.

فيفي عبده: تنبأت بنجاح مسرحية حزمني يا

وتحدثت فيفي عن بدايتها الفنية وأهمية مسرحية حزمني يا وقالت: حزمني تنبأت بالنجاح بيها من قبل ما اعملها وقبلها عملت مسرحيتين بس توقعت أن حزمني يا هتكسر الدنيا و زي مسلسل كيداهم وقدمت فيفي عبده اللي جوايا للجمهور.

وأضافت: مسرحية حزمني يا كانوا بيجوا الناس ليها من كل مكان و بيجوا بالطيارت يحضروها ويسافروا وقدمنا فيها وجوه كتير ودلوقتي ابطال.

وتابعت: عملت ادور الام عشان اثبت وجودي من خلال الدراما وعملت ثريا أبو الفضل وكان فيها مي عز الدين وخيرية أحمد وطارق لطفي والحقيقة والسراب دخل مصر مفاجأة ومكنتش عارفة انه اتعرض وكنت بصيف مع ولادي ولقيت الناس بتكلمني وانا عرفت أنه اتعرض، والمخرج كان هيتجنن أن أزاي اعمل اول بطولة ليا وأكسر الدنيا بالشكل ده.