عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

تركته مصاب.. الراقصة هندية ترد على مهاجميها: رميت الكلب في الشارع أنا حرة

الراقصة هندية _ أرشيفية
الراقصة هندية _ أرشيفية

خرجت الراقصة هندية للرد على الهجوم الذي تعرضت له، بعد تركها كلبها مصاب بأحد الشوارع، مصابًا، مشيرة إلى أنها حرة فيما تفعله.

تحيا مصر يرصد رد الراقصة هندية هندية على مهاجميها. 

وقالت هندية: عاملين فيها أنكم رحماء، وعندكم رحمة، أنهي رحمة دي؟، أنا رميت الكلب في الشارع في حاجة؟ أنا حرة.. رميته في الشارع كنت جيباه من أكتوبر عشان أوديه لـ دكتور هنا، أنتم هتحاسبوني؟ أنا حرة.. انشروها في كل حتة ودوها الدول العربية والأوروبية أنا حرة.

كشفت الفنانة هندية عن علاقتها بـ زوجها الأول أيمن السويدي، وعلاقته في اتخاذها قرار اعتزال التمثيل، وتسببها في عدم الإنجاب مرة أخرى.

الراقصة هندية عن أيمن السويدي: عمره ما قالي اعتزلي بس كان بيقولها بطريقة غير مباشرة


تحدثت هندية عن علاقة أيمن السويدي بـ اعتزالها، فقالت خلال برنامج كلام الناس، المذاع على قناة mbc  مصر وتقدمه الإعلامية ياسمين عز: وأنا متجوزاه قعد شهر بشتغل، وهو عمره ما قالي منزلش الشغل لكن كان بيلمح لده، وفي مرة كلمني في أوتيل الشغل وقالي انزلي عايزك ضروري أبويا في المستشفى ومحتاجك وخدني ولف بيا في الشاعر وقالي أنا مزاجي متشتغليش النهاردة".

وتابعت: وقتها قولته أنا معايا رجالة مينفعش أصغرهم، واليوم كله اتحملت خسارة الطرابيزات، احترمت ذاتي ونفسي ورجالتي وقولت للمدير مش هشتغل تاني  كان لازم أحترم طلبه، وديما بقول الراجل راجل والست ست".

الراقصة هندية: أيمن السويدي قالي مش عايز ولاد من فنانة


وتطرقت الراقصة هندية بالحديث عن سبب عدم الخلفة، مشيرا إلى أن زوجها أيمن السويدي السبب، فقالت: “كان عنده هاجس انه هيموت صغير في السن، ووقتها كنت أنا حامل خدني من إيدي للدكتور، وخلاني أجهض الطفل ده، تقريبا الدكتور عملي حاجة غلط، فمبقتش أخلف”.

وتابعت: “كان بيقول مش عايز ولاد من فنانة ووقتها قولتله انا اللي مش عايزة، أنا سيبت الفن عشان ابقى أم وهو خد الحلم ده مني فسيبته بعد سنة من الإجهاض، كنت بحبه وبسمع كلامه في كل حاجة بس هو كان طايش وأنا كنت طايشة وأحيانا بنندم على قرارتنا دي”.

الراقصة هندية وعلاقتها بضرتها


وأشارت الراقصة هندية أنها على علاقة طيبة بـ ضرتها، وكانت دائمه ترحب بها وتبادرها بالسلام في أي مكان يتقابلا فيه، موضحة: “مكنتش بغير لأن المهم إن أنا اللي معاه دلوقتي، وأنا كنت ممشياه زي الساعة، وهو كان بيثق فيا جدا وكان بيقولي هو رايح فين وجاي منين، وكمان كان بياخد رأي في كل حاجة بيعملها”.

تابع موقع تحيا مصر علي