عاجل
الخميس 02 فبراير 2023 الموافق 11 رجب 1444
رئيس التحرير
عمرو الديب

ياسمين عز: متعزميش أهلك على الأكل واعزمي حماتك وجوزك أما يناديلك باسمه ده فخر ليكي

ياسمين عز
ياسمين عز

وجهت الإعلامية ياسمين عز خلال برنامجها كلام الناس المذاع على قناة mbc مصر، مجموعة نصائح للسيدات بشأن تعاملها مع زوجها وحماتها.

تحيا مصر يرصد في ذلك التقرير رسائل ياسمين عز للسيدات في برنامج كلام الناس

ياسمين عز عن مسابقة الزوج المثالي: التفاعل عليها كان كبير

أعربت ياسمين عز عن سعادتها بـ تفاعل النساء مع المسابقة التي أطلقتها في حلقتها أمس وهي “الزوج المثالي”، فقالت: مكنتش متخيلة إن الإقبال على المسابقة بالشكل ده.. مانتو حلوين أهو وكلمكم شايفين إن جوزكم الراجل المثالي امال بتتقمصوا ليه أما بقول عليه حاجة حلوة، بتزعلوهم ليه، شلوهم فوق راسكم وحننونهم.

ياسمين عز: متعزميش أهلك على الأكل عشان جوزك بيتعب في الفلوس واعزمي حماتك

وبدأت ياسمين عز نصائها بشأن حرص المرأة على العزومات، فقالت: بلاش أما جوزك يقبض تبدأي تغنيله كل الناس غرباء إلا أنت أنت شمسي وقمري بلاش الجو ده عشان الغنا مش بيطلع الا وهو بيعد  المرتب، وعايزين نحميكي من الحسد بلاش عزومات.

وتابعت: لو بنت خالتك بتاكل كتير هتاكل في يومين خزين التلاجة اللي الراجل بيتعب فيه فرافقا بجوزك، لكن اعزمي حماتك عشان هي بتحبك وبتحب ابنها هتيجي وايديها مش فاضية بتيجي بخيرات ربنا هتملالك التلاجة، الحماة حنينة مع انها معزمة المفروض تيجي وايديها فاضية، حماتك هتفيديك مش بنت خالتك متعزميش اهلك وقاريبك اليومين دول.

ياسمين عز: جوزك أما يناديكي باسمه في الشارع ده فخر واستعارة مكنية عن الحب

وتطرقت ياسمين عز عن مشكلة أخرى تواجه النساء، فقالت: في واحدة بتقول جوزي بينده عليا باسمه هو أنا معنديش اسم ينادوني بيه حبيت السؤال وهجاوبك، عندك اسم واسم جميل كمان بس الراجل جوزك خايف عليكي، خايف حد يعاكسك بيحبك، متنازل ليكي عن أعز ما يملك وهو اسمه انتي زعلانة.

وأضافت: الحركة دي فيها استعارة مكنية معنى كل حب وانتي مش واخدة بالك، الراجل كدة عايز يقولك ان انت نفسه وان انتو واحد لو ناداكي باسم واحدة تانية هتعملي اي، برحة على الراجل شوية، الراجل في البيت بيناديكي باسمك عادي وبيدلعك.

واختتمت: اما يناديكي باسمه ده فخر والمفروض انتي تطلبي منه كدة وتقوليله أنا مدام فلان وحرم فلان، ابنك ضناكي حبيب قلبك وهو اسمه يمحلا الاسامي، ووالنبي الأخت اللي بتدخل دي سيبي اختك في الله المدام التانية جوزها يندها زي ما هو عايز حضرتك حاشرة نفسك ليه في الموضوع بينهم متتفلسفيش بلاش تفلسف.
 

تابع موقع تحيا مصر علي