عاجل
الخميس 28 مارس 2024 الموافق 18 رمضان 1445
رئيس التحرير
عمرو الديب

ياسمين عز: اللي متجوزة طبيب أسنان كأنها متجوزة دكتور نفسي والصيدلي دواء يطيب جروحك

ياسمين عز
ياسمين عز

عادت الإعلامية ياسمين عز للتحدث عن أصحاب المهن وعرض مميزاتهم المختلفة، وذلك من خلال برنامجها كلام الناس الذي يعرض عبر قناة أم بي سي مصر.

تحيا مصر يرصد لكم تصريحات ياسمين عز

وتحدثت ياسمين عز عن طبيب الاسنان وقالت: دكتور الاسنان صوته شتوي ومايل للجاذبية وصوته واطي من كتر البينج اتعكس على شخصيته

وتابعت ياسمين: لو جوزك دكتور اسنان احمدي ربنا على النعمة وشغلته بتحب الروقان بلاش تكهربي حياته وقوليه على مشاكلك واحده واحده وسنه سنه.

ياسمين عز: دكتور الاسنان ساحر وضد الصفار والسواد

وأضافت: متعرفيش انتي متجوزه دكتور اسنان ولا دكتور نفسي وعنده قدرة على الاحتواء ويسمعك ، وبتروحي لدكتور الاسنان وانتي مش قادرة تفتحي بوقك وبيريحك، و بيفهمها وهي طايره ومش محتاجه تقوليه اللي مضايقك وهو ساحر بيعرف المشكله والالم.

واستكملت: دكتور الاسنان نضيف وبيلمع وريحته نضيفه ومراته بتستخدم منعم للهدوم وعلى بعد عشر متر بتشمي ريحته ونقي ومش اصفر ومهنته ضد السواد وضد الصفار ومخلص وبيفضل وشه في وش المريض ومش بيزهق وانتي بتفضلي تتصلي بيه وهو مش بيرد وتفتكري بيخونك وانتي بتظلميه لانه امين في شغله وماسك بوق المريض  أكيد مش هيرد عليكي.

وتابعت:لو جوزك دكتور اسنان يبقى رزق وربنا بيحبك عشان رزقك براجل في كل المواصفات اللي بتحلم بيها كل بنت، ولسانه بينقط سكر وبوقه مش بيطلع منه العيب وكاريزما ودمه خفيف، وعامل زي المغناطيس بتتمغنطي وتتشدي لجوزك دكتور اسنان.

ياسمين عز: الصيدلي نسمة ودوا ومرهم يطيب جروحك

وتحدثت ياسمين عن الصيدلي وقالت: الراجل الصيدلي بيكون عارف القرد مخبي ابنه فين ربنا صارفله وبيعدي عليه روشتات مكتوبه بخطوط غريبه وهو بيعرف يقراها ويفك الشفرة والرموز والطلاسم بنظرة عين ولمسة ايد

وأضافت: الصيدلي نسمة ودوا ومرهم يطيب جروحك والصيدلي راجل نسمه وبلسم وواخد نصيب من اسمه، وعنده قدرة عجيبة في فك شفرة زعلك.

ياسمن عز: متقوليش لجوزك الصيدلي غير يا دكتور وفخمي الاسم

واستطردت: من مزاياه اللي تحمدي ربنا عليها انه منظم ومرتب بشكل نادر ومش هيتعبك ويقولك القميص فين او فردة الشراب وبتكلميه في اي وقت هيرد عليك بنفس تون الصوت وهادي ونفس الضحكة تحسي انك خفيتي، ومتقوليش لجوزك الصيدلي غير يا دكتور وفخمي الاسم لانه بيتحمل سخافات كتير وبيسمع كلمه استاذ وبعد ما درس صيدله مينغعش يسمع كلمه استاذ ويا بشمهندس.

تابع موقع تحيا مصر علي