طارق الدسوقي لـ ياسمين عز: هبعت أجيب المأذون والأخيرة ترد: لا احنا أخوات

طلب الفنان طارق الدسوقي يد المذيعة ياسمين عز على الهواء، وذلك أثناء استضافته في برنامج كلام الناس الذي يعرض عبر قناة أم بي سي مصر.

تحيا مصر يرصد لكم مغازلة طارق الدسوقي لـ ياسمين عز

وتحدث طارق الدسوقي عن الرجل والمرأة والأختلاف بينهما، وتقاربت أفكار ياسمين عز مع طارق الدسوقي، وطلب يدها على الهواء.

وقال طارق الدسوقي: مينفعش مراتي متسمعش كلامي لترد عليه ياسمين: مينفعش جوزي يقول حاجه وأنا اقوله لا كلامه أوامر وأقوله حاضر ونعم، ليقول لها طارق الدسوقي: أنا شكلي هبعت أجيب المأذون قبل ما الحلقة ما تخلص.

وردت ياسمين عز على طلب طارق الدسوقي، قائلة: «لا إحنا إخوات.. كل ضيوفي إخواتي هنا في البرنامج».

طارق دسوقي: بحب الست اللي اتجوزها تجيب لي صينية الأكل في السرير 

وقال طارق الدسوقي لـ ياسمين عز: بحب الست اللي اتجوزها تجيب لي صينية الأكل في السرير كنوع من الدلع،  ولو اختلفت أنا ومراتي لازم كلامي أنا اللي يمشي ومش عشان أنا سي السيد بس عشان مسئول عن نتيجة القراروأنا بكبر دماغي كتير.

مغازلة ياسمين عز للرجل الصعيدي

وتحدثت ياسمين عز عن صفات الرجل الصعيدي وقالت: اتجوزي راجل صعيدي وأنتي مغمضه لأنه هيحبك ويصونك، والدراما بتصور الراجل الصعيدي غلط بس هو متافهم ومش عصبي وبياخد رأي مراته في كل حاجة، والرجل الصعيدي حمش وكلمته عقد وصباعه قلم، وعينه في الأرض دايمًا وهو بيكلمك وليهم نظره رجولية جميلة فيها شموخ، واللي تخلي صعيدي يحبها يبقى يا حظها ويا بختها، ولو صعيدي قالك  تتجوزيني الكلمة هتسحرك وتشفطك من حلاوتها.

ياسمين عز عن صفات الراجل الدمياطي: مخلص وعينه من زايغة وكسيب

كما تحدثت ياسمين عن الرجل الدمياطي وقالت: طبية وهدوء ولذاذه وطيبين واهلها دافين والراجل الدمياطي رزق والست اللي متجوزه دمياطي محظوه وحته سكره وافيهاته حلوه وملهوش في شغل اللف والدوران وبيكره الكدب عشان كده مستحيل تلاقي دمياطي كداب، وبيعترف بغلطه ويطبطب عليكي والراجل الدمياطي بيحسس مراته انها ست خارقة وقادرة تعمل اللي مفيش حد يقدر يعمله وفخور بيكي وبيفخم فيكي. 
واستكملت: مخلص وعينه مش زايغه وكسيب ومعاه فلوس والصبح بيكون مهندس وبليل اسطى نقاشه، واللي تتجوز من دمياط حياتها في غاية الانبساط