مي سليم عن نجاح أغنية احنا كبنات: مبسوطة بردود الفعل وفيديوهات الولاد أكتر من البنات

أعربت الفنانة مي سليم عن سعادتها البالغة بردود الفعل على أغنيتها الجديدة احنا كبنات والتي طرحتها مؤخرًا عبر قناتها بموقع الفيديوهات الشهير يوتيوب.

تحيا مصر يرصد لكم تصريحات مي سليم

وقالت مي سليم في تصريحات تليفزيونية: مبسوطة بنجاح الأغنية واني عملت حاجة مختلفة وموضوع جديد معملتهوش قبل كده وسعيدة بردود الفعل اللي جاتلي من الجمهور.

مي سليم: الولاد علموا فيديو على الأغنية أكتر من البنات

ووجهت مي سليم رسالة شكر لجمهورها على دعمها لها وقالت: بشكر كل الجمهور اللي بعتلي مسدجات وفرحوني والبنات اللي عملت فيديو على الأغنية والولاد عملوا فيديوهات على الأغنية أكتر من البنات ومبسوطة جدًا  بردود الفعل.

أغنية احنا كبنات

وكانت قد طرحت الفنانة مي سليم  أغنية جديدة لها تحمل اسم “احنا كبنات” عبر قناتها الرسمية على موقع الفيديوهات العالمي “يوتيوب”، وقد حققت الأغنية منذ طرحها وحتى الآن أكثر من 300 مشاهدة.

أغنية احنا كبنات من كلمات محمد مصطفي ملك، ومن ألحان محمود انور، ومن توزيع  محمد مجدي، وتسجيل جورج يعقوب، مكساج وماستر محمد مجدي، طبلة ماجد الصواف، جيتار مصطفى نصر.

كلمات الأغنية

احنا كبنات عارفين الدخلة الاولى
كلها طيبة ورجولة
ومحدش غيري هيحاسب فتقولي دة شخص مناسب
هو فيه ناس كدة معقولة
تدبسي فيه يظهرلك بعض حقايق
تبتدي بمزاجي مش رايق
يعملك فيها مجنون وفلوسي خلصت مديون
دلوقتي انتي المسئولة

فتشيلي الشيلة والحجة بقيتي م العيلة
تتخلي ازاي ياصيلة لازم تلبسي البسي في الحيط
فتشيلي الشيلة والحجة بقيتي م العيلة

احنا يا بنات مضحوك والله علينا
واقل حاجة بترضينا
نتصالح لو حصل ايه لو وردة بربع جنيه
يحلو الكون في عنينا
وهنعمل ايه يعني في صنف الرجالة
في الكدب دماغه شغالة
ياما شوفنا معاه اسافين
في الاخر يعمل مسكين
وبيصعب برضو علينا
فتشيلي الشيلة والحجة بقيتي م العيلة
تتخلي ازاي ياصيلة لازم تلبسي البسي في الحيط
فتشيلي الشيلة والحجة بقيتي م العيلة
تتخلي ازاي ياصيلة البسي في الحيط
فتشيلي الشيلة والحجة بقيتي م العيلة
تتخلي ازاي ياصيلة
فتشيلي الشيلة والحجة بقيتي م العيلة
تتخلي ازاي ياصيلة البسي في الحيط