عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

هاني رمزي: أجر الفنانين قل 50% وحسابي الفني أهم من البنكي

هاني رمزي
هاني رمزي

تحدث الفنان هاني رمزي عن الصداقة القوية التي جمعته بالفنان حسن حسني، كما كشف عن تقديم جزء ثاني من فيلم غبي منه فيه، وكشف عن بعض الامور في حياته

تحيا مصر يرصد لكم تصريحات هاني رمزي

وقال هاني رمزي خلال استضافته في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس أن الجمهور هو من يضع الألقاب للفنان وليس الفنان هو من يضع لنفسه لقب، وأوضح: أنا مش هطلع على نفسي لقب وشخصية محامي خلع نجحت وحصل إعجاب من الناس وقالوا عني محامي الفن ومحامي السينما، ولو هقول لقب على نفسي هيبقى الفنان لأنه أعلى من إي لقب.

هاني رمزي: مفيش فنان يقدر يحل محل حسن حسني وبيومي فؤاد مش بديل ليه

وتحدث هاني رمزي عن الفنان حسن حسني وقال: بعد غياب حسن حسني  مفيش حد يقدر يحل مكانه وسايب فراغ كبير جدًا وكان بيسد وهو فنان عالمي وأي شخصية بتليق عليه.

وعن تشبيه الفنان بيومي فؤاد بالفنان حسن حسني وقال: بيومي فؤاد مش بديل حسن حسني وهو ليه شخصيته وطباعه  وهو محافظ على نفسه في المنطقه دي ومش مطلوب انه يعمل شخصية حسن حسني.

وعن تقديم جزء ثاني من فيلم غبي منه فيه بدون الفنان حسن حسني قال: صعب نعمل جزء تاني من مسلسل حسن حسني وممكن ناخد الشخصية نعمل بيها حاجه تانية، ونيللي كريم بتزن عليا نعمل غبي من فيه.

وكشف هاني رمزي: الجيل الحالي في السينما المصرية مش هيقدر يعوض الجيل بتاعنا.
وتحدث عن الصداقة القوية التي جمعته بالفنان أحمد السقا وقال: أنا وأحمد السقا صحاب جدًا وأنا متربي في بيته وهو على طول في بيتي وياريت فيلم يجمعنا ونفسنا نرجع نشتغل سوا في المسرح.

هاني رمزي: أجر الفنانين قل الفترة اللي فاتت 50%  والفلوس عنصر أساسي

وكشف الفنان هاني رمزي أن أجور الفنانين قلت خلال الفترة الأخيرة وأوضح: أجر الفنانين قل 50% الفترة اللي فاتت والفلوس عنصر أساسي بس احنا جوانا هواية وبنحاول نرضي الفنان اللي جوانا.

وكشف: حاليًا بندور على الفلوس وهي عنصر أساسي بس أحنا جوانا هواية وأزاي نرضي الفنان اللي جوايا والفلوس عشان التزم بحاجاتي الاجتماعية

هاني رمزي: حسابي البنكي ولا حاجة جنب حسابي في الفن

وتابع: في حاجات بنعملها ومش مهم الفلوس وحساب البنك ولا حاجة جنب حسابي في الفن والدور اللي يعليني يساوي الدنيا وميتقدرش بتمن
وأضاف: في حاجات بنعملها ومش مهم الفلوس والفلوس ممكن تروح في لحظة والشغل بقى على قده ومش زي ما الناس فاكرة وده بيخليني اتعطل سنة أو اتنين واقعد في البيت أحسن ما اشتغل واعمل حاجه مش راضي عنها.

وكشف هاني رمزي: لو قررت انتج فيلم في الوقت الحالي للجيل اللي موجود هختار كلهم كوميديان عشان يبقى فيلم كوميدي والناس محتاجه للكوميديا وكل اللي شغال أكشن ودراما والناس في اشد الحاجة للضحك وفي الظروف الحالية بندور على حاجة ترفع الروح المعنوية للناس وده واجب وطني أنك ترفع الروح المعنوية للناس وتسعدهم.
وتابع: لو هختار حد من الجيل الحالي هيبقى حمدي الميرغني وتوتا وعلي ربيع وأوس أوس نعمل بيهم فيلم كوميدي.

 

تابع موقع تحيا مصر علي