احتفالا بـ عيد الحب.. أحمد سعد يطرح أغنية بسببك قادر أكمل| فيديو

طرح المطرب أحمد سعد منذ قليل أغنيته الجديد “قادر أكمل”، التي يهاديها لجمهور احتفالا بـ عيد الحب الذي يحل اليوم 14 من شهر فبراير.

تحيا مصر يرصد في ذلك التقرير تفاصيل أغنية أحمد سعد الجديدة في عيد الحب

أغنية قادر أكمل في عيد الحب

وتعد أغنية قادر أكمل من كلمات أمير طعيمة، وألحان محمد عاطف الحلو، وروج أحمد سعد لها عبر حسابه الرسمي بموقع تبادل الصور والفيديوهات انستجرام، حيث كتب: ايوة بسببك قادر اكمل.. وقت ما بتعب ليكي بروح قادر اكمل دلوقتي علي يوتيوب.

كلمات أغنية قادر أكمل

وأتت كلمات أغنية قادر أكمل على هذا النحو: أيوه بسببك قادر أكمل وقت ما بتعب ليكي بروح لما بِبان الدنيا تقفل حضنك آخر باب مفتوح ياللي عيونك وقت ما بغرق بالنسبالي دي مركب نوح إنتي الحته الحلوه ف قلبي ببقى ف قربك مش قلقان إنتي حبيبتي وأمي وبنتي وماليش بعدك تاني مكان حببتيني ف أيام عمري رجعتيني لنفسي زمان وأنا بين إيديكي إحساسي بيكي لو قلت ليكي مابيتحكيش جيتي وبقيتي أهلي وبيتي لو يوم مشيتي إزاي هعيش عمرك لحظه ما نزلتيني لأ بالعكس أنا بيكي عليت ولا بعتيني ولا خذلتيني وبتديني أكتر ما إديت قبل ما بندهلك بتجيني ضهري وسندي لو إتهزيت نصي التاني إللي بيفهمني قبلك عمري ماهوش محسوب حبك هو إللي مكملني من نقصي ومن أي عيوب إحساس بأمان بيطمني وسط حياه مليانه حروب وأنا بين إيديكي إحساسي بيكي لو قلت ليكي آه مابينتهيش جيتي وبقيتي أهلي وبيتي لو يوم مشيتي إزاي هعيش.

أحمد سعد يكشف سر نجاحه

جدير بالذكر، انه سبق وأن تحدث أحمد سعد عن سبب تألقه ونجاحه في عام 2022، فقال في تصريحات تليفيزيونية: أمي دعتلي وزوجتي وشها حلو عليا جدا متدخلة في كل شيء في حياتي وكان معاها قدم السعد، بتحبني أطلع بشكل معين ودايما مركزة معايا، طريقة النصيحة بتكون غريبة جدا لأن أنا مش بحب النقد أوي، وهي دايما بتنتقدني وتقولي مش المفروض تعمل وأنا بطلع مببرات إن اللي عملته هو الصح لكن بعد كدة بعرف انها عندها حق.. أنا عليا حاضر في البيت ترن البيت أوقى حاضر ممكن تسمعها.