مديحة حمدي لـ تحيا مصر: الدراما رسمت صورة كاريكاتيرية مغلوطة للحماة

أثارت الفنانة مديحة حمدي الجدل في الأيام الماضية بعد حديثها في أحد البرامج التليفزيونية عن علاقتها الطيبة بزوجات أبنائها وعن مواقف طيبة تجمع بينهم، لتنقسم الجمهور بين أكثر من رأي منهم من رجح أن العلاقة الطيبة تكون ناتجة من معاملة الحماة لمرات الابن والرأي الآخر أشار أن الأمر كله بيد زوجة الابن .

يرصد تحيا مصر في ذلك التقرير رد مديحة حمدي على الجدل الذي أثير حولها بسبب تصريحاتها عن علاقة زوجة الابن بالحماة

رأي مديحة حمدي في علاقة الحما بزوجة الابن 

وقالت مديحة حمدي في تصريح خاص لـ موقع تحيا مصر علاقة الحماة بزوجة الابن لابد أن تكون مبنية على الاحترام المتبادل، موضحة:"الحما المفروض تعتبر مرات ابنها زي بنتها وهي خرجت من بيت باباها دخلت في حضننا لازم تكرم و متتهنش وإن الأم لو بتحب ابنها متنيموش متنكد ولو في مشكلة بينها وبين مرات ابنها تقدر تحلها قبل ما تكبر".

مديحة حمدي: من فضل ربنا عليا معنديش الولد اللي بيقارن بيني وبين مراته

وعن مقارنة الابن بين زوجته وأمه قالت: "من فضل ربنا عليا إني معنديش الولد دة اللي يقارن بين طبيخ مراته وطبيخ أمه و أنا بعتبر مرات ابني دي بنتي لأني مخلفتش بنات وأنا عندي ولدين فبعتبر الولدين جابولي بنتين دول خارجين من بيوت كبيرة ومتربيين ليه يتهانو وايه اللذة اللي هشعر بيها لما أديها أمر وأقولها تعالي نضفي معايا ولا أغسليلي المواعين".

واستكملت حديثها، قائلة: "دة ممكن يحصل في طبقات بسيطة فيها روح الجماعة يعني بيكونو كلهم ساكنين في عمارة واحدة بياكلو مع بعض ابنها عندها او بنتها لكن إحنا في الطبقة الفوق متوسطة شوية معندناش النظام دة لان كل واحد مستقل في بيته ولما بيجو بيجو زيارة يوم في الإسبوع بيقضو مع الأم إذا كان الجمعة عند أم الزوج السبت اللي بعده عند الأم التانية وكلها حجات بسيطة أوي ةمش معقدة".

مديحة حمدي: الدراما رسمت صورة كاريكاتيرية للحماة

وعن الحماة زمان قالت :" الصورة الكاريكاتيرية اللي عملتها الدراما لماري منيب وعلوية جميل دي مبقتش موجودة دلوقتي البنات كلهم متعلمات ومثقفات وبيخرجوا وبيختلطو في الجامعة والنادي والشغل ومبقتش الحياة مقفولة بقو فاهمين أكتر وعلى العكس البنات بقت أكثر ذكاءا وديناميكية من الأمهات"

وعند سؤالها عن الحموات ذات الطباع الصعبة في الأرياف قالت:" دة مش في الأرياف بس بيكون فيه طبقات قاهرية بس بسيطة في الطبقات الأقل من المتوسطة اه مرات الابن بتعتبر خلاص انضمت للأسرى فمفيش مشكلة تغسل مواعين لحماتها مرة أخت جوزها اللي هي عامة أولادها الحجات دي كلها أصلا خلاص اندثرت مبقتش موجودة دلوقتي خاصة في الطبقات اللي فوق المتوسطة".