عاجل
الخميس 28 مارس 2024 الموافق 18 رمضان 1445
رئيس التحرير
عمرو الديب

منال سلامة: فيه ناس أخدوا فرص في التمثيل لا يستحقوها.. ودا سبب خلافي مع بنتي

منال سلامة
منال سلامة

كشفت الفنانة منال سلامة عن رأيها في السوشيال ميديا، وروادها الذين يمتهنون التمثيل، وذلك خلال لقاءها اليوم ببرنامج عيش صباحك مع فانا إمام ويوسف التهامي، على محطة راديو نجوم إف إم.

تحيا مصر يرصد تفاصيل تصريحات منال سلامة في عيش صباحك

رأي منال سلامة في الانفلونسر الممثلين

حيث قالت منال: فيه ناس دخلوا مجال الفن وأخدوا فرص من على السوشيال ميديا لا يستحقوها، ليه عندنا أكاديمية فنون طيب ما نقفلها، وعلم التمثيل يُدرس في أفضل جامعات العالم وبتتاخد عليه شهادات ماجستير ودكتوراة، وبعد كدا يجيي شخص لا علاقة له بعلم التمثيل وياخذ فرصة".

وتابعت: "ولكن هل ممكن أنه يمسك شخصية ويلاقي ليها كل اللي شرحته على شخصيتي في الأصلي، وفيه ناس متعرفش ازاي تقف قدام الكاميرا من الأساس، ودا بيعطل الوقت، ولكن الطالب اللي جاي من معهد التمثيل فاهم ودارس ودا ما بيهدرش الوقت".

خلاف منال سلامة مع ابنتها أميرة

وفي الحلقة نفسها، كشفت سلامة عن تفاصيل خلافها مع ابنتها بسبب مواقع التواصل الاجتماعي، فقالت: "كنت بعيدة عن المجال دا، ولكن دخلت على (فيسبوك) مثلا بعد الثورة وبدأت أكتب آرائي عليه، ولكن لقيت الناس بدأت تفهم كلامي بشكل غلط، والناس بتهاجمني بقوة وحسيت بانهيار عصبي وقررت البعد عن العالم دا".

وتابعت: "وأنا ضد تدخل السوشيال ميديا في كل حاجة في حياتنا وتحط صورك وأنت صاحي أو نايم، ودا خلافي بيني وبين بنتي وهي بتبقى عايزة تكون طبيعية دايما، ولكن معنديش الجرأة الخاصة بيها عشان أظهر قدام الجمهور دون مكياج مثلا".

منال سلامة ومشاركة نجلتها أميرة أديب في الأصلي

وكانت قد أثارت الفنانة منال سلامة والدة الفنانة أميرة الديب جدلاً واسعاً في الأسابيع الماضية، عقب الكشف عن سبب رفض ابنتها المشاركة في مسلسل الأصلي والذي أكدت أنه يرجع “للوسطة”.

فتحدثت الفنانة منال سلامة خلال لقائها ببرنامج، The Insider بالعربي عن تفاصيل مسلسل الأصلي فقالت: “أميرة سالتني أنتِ جيلك شغل قولتلها أه مسلسل الأصلي، قالتلي أنا مترشحة فيه ومش هشتغله علشان هيقولوا إنتِ اللي مرشحاني”.

وواصلت منال سلامة حديثها: “قولتلها يا أميرة الناس كدا كدا هيقولوا إني رشحتك للعمل، ومتغلطيش غلطتي أنا سنين طويلة رفضت اشتغل مع أسرتي وعيلة أديب وفي الأخر محسوبة عليهم”.

تابع موقع تحيا مصر علي