نهال عنبر لتحيا مصر: حياتي خط أحمر وماشية بما يرضي الله

تحدثت الفنانة نهال عنبر عن السوشيال ميديا وكشف الفنانين عن أسرارهم على مواقع التواصل الاجتماعي، موضحة أنها لا تفضل عرض حياتها الخاصة على الجمهور.

تحيا مصر يرصد لكم تصريحات نهال عنبر

وقالت نهال عنبر في تصريح خاص لموقع تحيا مصر: أنا دايمًا اقول التدخل في الحياة الخاصة مش بحبه وحياتي الخاصة خط أحمر، وبيتي مقفول عليه وملهوش دعوة بالفن طالما أنا محترمة نفسي  وماشية بما يرضي الله  مفيش حد ليه عندي أي حاجه.

نهال عنبر: في فضايح على السوشيال ميديا

وتابعت: مينفعش أنا اللي افضح نفسي واطلع اخباري، لأن في حاجات تتقال وحاجات مينفعش تتقال وفي فضايح على  السوشيال ميديا.

وأضافت:  في بيوت بتتخرب واولاد  وأطفال بيتجرحوا ولازم نخلي بالنا جدًا من الاولاد اللي أمهم وأبوهم بيتجرحوا أنت بتعقد جيل ولازم نخلي  بالنا حتى لو اللي قدامي عمل كده مينفعش أنا اساعده.

واستكملت نهال عنبر: وفي الصحافة لازم احترم مهنتي واحط في دماغي اني لما بجرح في حد بجرح في عيلته كلها مش الشخص بس.

انتخابات نقابة المهن التمثيلية

ومانت قد انتهت انتخابات نقابة المهن التمثيلية بفوز كلا من كأعضاء لـ مجلس النقابة، حيث حصل أشرف طلبة 953 صوت، نهال عنبر 892 صوت، إيهاب فهمي 860 صوت، أحمد بدير 762، عفاف رشاد 740 صوت، على كمالو 510.

وشهدت انتخابات نقابة المهن التمثيلية اليوم حضور نخبة من نجوم الفن وهم سوسن بدر، أحمد السقا، ويحيي الفخراني، وأحمد فهمي، وهند عاكف، ولقاء سويدان، وعفاف رشاد، وماجد المصري، وأشرف زكي، وروجينا.

آخر أعمال نهال عنبر 

الجدير بالذكر أن آخر أعمال نهال عنبر هو مشاركتها في مسلسل أعمل إيه، والذي كان من بطولة الفنان خالد الصاوي، وحقق نجاحًا كبيرًا.

 ودارت أحداث المسلسل حول قضايا إجتماعية هامة، تشغل أذهان الجمهور ويتعرض لها كل بيت مصري بشكل يومي ومستمر، وحقق المسلسل نجاح كبير، وكان يضم عدد كبير من النجوم ومنهم: دنيا المصري، نور إيهاب،  ندى بسيوني، طارق عبد العزيز، سامية الطرابلسي، محمد مهران، صبري عبدالمنعم، أيمن عزب، ريهام الشنواني، حمدي هيكل، مفيد عاشور، أحمد جمال سعيد، محمود الشرقاوي.